Oseas 14:5 - Kashibo-Kakataibo Biblia

⁵ ꞌËx kana Israel kama nibitan ꞌibúkin chabókë usaribi ꞌiti ꞌain, usa ꞌain ka atux ro ꞌapákëxa uábukësa usaribi ꞌiti ꞌikën. Usai ꞌika aín tapunkama Líbano menu ꞌikë i aín tapun menu takáshkikë usaribi ꞌiti ꞌikën;

Oseas 14:5 ပူးပေါင်းရင်းမြစ်များ

2 Samuel 23:4

ꞌakinkëx ka pë́karakëma ꞌaínshi nëtë upíira iskësa usaribi ꞌianan, barin urukin pë́kabëtsinkëbëa naínu kuin ꞌaíma ꞌikë usaribi ꞌianan, ꞌuñe ꞌibúkin me chabókëbëa ñu bërukama kookë usaribiti ꞌiti ꞌikën.

2 Reyes 19:30

Axa ñukëma ꞌaish Judá menu utëkënkë akamax ka: ꞌapákëxa ñu tapuni ꞌikësaribiti bakë bëchipati kaikamë ꞌëoti ꞌikën.

Salmos 72:16

¡Usa ꞌain ka a menu ꞌaisamaira trigo ꞌiti ꞌikën, ꞌianan ka bashi rëbu anubi trigo ꞌaisamaira ꞌiti ꞌikën! Usa ꞌain ka Líbano menu trigo ꞌapákëxa bimikë usaira aín bimi ꞌi xubi koia iskë usaira ꞌiti ꞌikën!

Salmos 72:6

¡Usai ꞌi ka ꞌuñe ꞌimainun nibitan menu ñu ꞌapákë, chabónan pasto chabókë usaribi ꞌiti ꞌikën!

Salmos 80:9

Usakin kamina anu nux ꞌinun me mëníokën, usakin ꞌakëx ka ꞌapákëxa uvas tapuni ꞌikësaribiti me tsitsirui ꞌuakamë ꞌëokankëxa.

Isaías 35:2

ꞌianan ka ro ua ax ꞌapákësa ꞌinun uábuti ꞌikën, usaía ꞌikëbë ka unikama ꞌitsaira kuëënti ꞌikën. Diosan ka a menu ni upíira ꞌimiti ꞌikë, Líbano menu ꞌikësa ꞌinun, ꞌimianan ka Carmelo kakë me upíira a ꞌimainun me sapan Sarón kakë usaribi ꞌimiti ꞌikën. Kamabi unikaman Nukën ꞌIbu ax ka kushiira ꞌianan, ꞌapuira ꞌikë kixun ꞌunánti ꞌikën.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 45:8

“ꞌËn kana manámixunbi ꞌën kushi xuti ꞌain, ax ka naínuax kuénkuru ꞌibúmainun kuin kamanuax ꞌuí ꞌibúkin me chabókë usaribi ꞌiti ꞌikën; ꞌimainun ka anun ië́ti ax ñu bimisa ꞌiti ꞌikën, ꞌianan ka ñu ꞌupi ꞌati ax ñu uábukësa ꞌiti ꞌikën.”

Oseas 6:3

¡A mi kushikin kananuna Dios ꞌunántëkënti ꞌain! Usakin ꞌakëbë ka Dios nukamanu ꞌi ꞌutëkëni barin urukin pë́kabëtsinkë usa ꞌianan, ka me chabóia mitakuatsinkëbë ꞌuí ꞌibúkësa usaribiti ꞌuti ꞌikën.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Mateo 6:28

Usaribi oquin camina añu chupa caramina pañuti ꞌai quixun sinani masá nuitutima ꞌain. Camina isti ꞌain, ro uacama ax ca ñu mëëanan chupa onuxun risi oímabi upíira upí ꞌicën.

Lucas 12:27

Camina isti ꞌain, ro uacama ax ca ñu mëëanan chupa onuxun risi oímabi upíira upí ꞌicën. A ro uacama sinánquin cana mitsu cain, ꞌapu Salomón ax ca ꞌitsaira ñuñu ꞌianan chupa upíira upí pañucë ꞌaíshbi aín chupa ax ro uasaribi upíira upí ꞌiáma ꞌicën.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Deuteronomio 32:2

ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.