Oseas 14:4 - Kashibo-Kakataibo Biblia

⁴ Ësai ka Dios kia: ꞌËn kana Israel unikama ñunshinakëkia atun ꞌakë ñukama mëníoxunti ꞌain; usokin ꞌakin kana ꞌën nuibaisa ꞌikëmabi atu nuibati ꞌain, ꞌëx atumi nishtankëxunbi kana atu nuibatëkëan.

Oseas 14:4 ပူးပေါင်းရင်းမြစ်များ

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Isaías 55:1

“Kamabi axa shimakë akamax ka ꞌumpax xëai uti ꞌikën; ꞌimainun ka uikamax kara kuríkiñuma akamanribi, atun piti trigo kupíokinmashi biti ꞌikën; bianan ka uvas baka vino ꞌakë a ꞌimainun vaca xuma aribi añubi kupíokinma biti ꞌikën.

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Ezequiel 33:14

Usa ꞌain kana ꞌëx uni achúshi an ñu ꞌatima ꞌai ꞌuchakë ax ka bamati ꞌikë kiti ꞌain, ꞌaínbi aín ꞌuchakë a ënkin ñu upí ꞌakin,

Ezequiel 36:36

Usa ꞌain ka axa mitsu ꞌurama ëmakamanu tsókë unikama atun ꞌunánti ꞌikën, ꞌëx Dios ꞌixun kana amiribishi axa ami nishkë unikaman atun ëma rurupa ꞌikëbi ꞌamitëkëanan, me ëankama anua amiribishi ñu ꞌapátëkënun ꞌamian. ꞌËx Min ꞌIbu ꞌaish kana ësai kin.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Oseas 2:19

ꞌËn kana Israel unikama ꞌën xanusa xënibua ꞌaínbi ꞌinun ꞌimiti ꞌain, usokëx ka asérabi a tanti bana unin ka xanu biti ꞌikë ꞌëx kia usaibi ꞌiti ꞌikën, ꞌën kana a ꞌitsaira nuibatin.

Oseas 6:1

Kamaxi Diosmi sinanatëkënti kamina ukanti ꞌain. An ka ꞌatimo ꞌixunbi nux ñu ꞌatima ꞌai ꞌuchakëkama nu mëníoxunti ꞌikën; usokin ꞌatimo ꞌixunbi mëníotëkënkin ka chuámarua tanun nu ꞌimiti ꞌikën.

Romanos 3:24

Usa ꞌicëbi ca Jesucristo, camabi unin ꞌucha cupí bama ꞌaían, cupíoima ami catamëtiashi Nucën Papa Diosan nuibaquin aín ꞌucha tërë́nquin uni ꞌuchañuma isia.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Tito 3:4

Usaínu ꞌiá ꞌicëbi ca Nucën Papa Dios, an nu ainan ꞌinun ië́miti, an, an ca upíira ꞌixun nu nuibatia quixun nu ꞌunánmiacëxa.