Oseas 14:3 - Kashibo-Kakataibo Biblia

³ Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Oseas 14:3 ပူးပေါင်းရင်းမြစ်များ

Salmos 33:17

caballokaman ka uibi ië́mitima ꞌikën; atux kushiira ꞌixunbi ka uibi ië́mitima ꞌikën.

Isaías 1:29

Usokin ꞌakëbë kamina anuxunmi mitsun dios rabikankë ñu ꞌapákë naëkama anu buküax kuëënkimi dios rabikankë anuax rabinkanti ꞌain.

Isaías 30:16

kuëënima ka kikankëxa: “Usama ka caballonu ꞌirukiani kananuna abáti kuanti ꞌain.” Usai ꞌi nukamax abákë ax ka asábi ꞌiti ꞌikën. ꞌImainun kamina ësairibi kikankën: “Ishtuinshia kuankë caballonën nirinkë anu këñurukiani kananuna abati kuanti ꞌain.” Axa numi nishkë unikaman kuni ka bënëtishi niti ꞌunanxun nukama nuiti ꞌikën.

Isaías 30:2

Usai ꞌika bënë́kiani Egipto menu ꞌikë ꞌapu faraón an isa bërúankin ꞌakinun kixun ñukati kuania, ꞌaínbi ka atun ꞌë pain ñukátima; an isa ꞌakinun kixun ꞌapu faraón ñukati kuania, usai ꞌika Egiptonu ꞌikë unikamami atun isa ꞌakinun kiax ami katamëtia.

Isaías 31:1

¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 31:3

Egiptonu ꞌikë unikama ax ka unishi ꞌaish dios kamasama ꞌikën; ꞌianan ka atun caballokama namishi ꞌaish, bëru ñunshinsama ꞌikën. Usa ꞌain ka Nukën ꞌIbun a unikama ꞌain mëkënan ꞌakësokin, atu ꞌatimokin an bërúankë akëñunbi ꞌakëx bamati ꞌikën; usai ꞌika a kamaxi këñukanti ꞌikën.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Ezequiel 37:23

Usai ꞌika amiribishi ñu ꞌatima ꞌatëkënkin bëtsi dioskama rabitëkëanan bëtsi ñukama ꞌairibi ꞌuchatëkëntima ꞌikën. ꞌËn kana ꞌën kuëënkëma ꞌatima ñukama ꞌai ꞌëmi ꞌuchakëkama a tërënxunti ꞌain. Usa ꞌain kana atúxa ꞌën uni ꞌimainun ꞌëx atun Dios ꞌiti ꞌain.

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Oseas 2:17

Usakin ꞌakin kana amiribishi Baal kaman anë ñui banatëkënun ꞌimitima ꞌain, usakin ꞌakëx ka uínsaranbi amiribishi aín anë ñui banatëkënkantima ꞌikën.

Oseas 4:12

Usa ꞌain ka ꞌën unikama atun rabinuxun nitsínkë ikama abë banakin ñukatia; ꞌianan ka aín tsatikama anun uisai kara ꞌiti ꞌikë kixun anun tanti aribi ꞌaia. Usa ꞌain ka ꞌën unikama xanun nami ꞌati kuëëinra ꞌixun, bëtsi ñu ꞌatishi kuëënia: Usa ꞌixun ka aín Dios ꞌikëbi aín nami mëakakë xanukaman abë ꞌikë uni ꞌakësokin ꞌë manuakëxa.

Oseas 5:13

Uínsaran kara Efraínën ain ꞌinsínkë ismainun, Judánu ꞌikë unikaman atun naminu ñukë isia, anun ka Efraín Asirianu ꞌikë ꞌapu ꞌakinun kixun ñukáti kuanti ꞌikën, ꞌaínbi ka atu ain ñukëkama mëníokati pëxkunun ꞌakintima ꞌikën.

Jonás 2:10

Usa ꞌain ka Diosan bakanu ꞌikë bainanmë ꞌëo chaiira axa parúmpapa kuëbí me ꞌurama anu Jonás ëni anákin chikinun ꞌimiakëxa.

Juan 14:18

ꞌËn cana mitsu ꞌibuñumoima, cana mitsunu utëcënin.