Oseas 14:2 - Kashibo-Kakataibo Biblia

² Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Oseas 14:2 ပူးပေါင်းရင်းမြစ်များ

2 Samuel 12:13

Ësakian Dios kikë bana ñuikin kakëxun ka. Aín ꞌuchakë ñuixunkin Davidtan Natán kakëxa: —Asérabi kana ꞌëx Diosmi ꞌuchan. Kakëxun ka Natánën amiribishi katëkëankëxa: Diosan ka ꞌuchakë ꞌikëbi ꞌatimonan tëmëramikin mi bamamitima ꞌikën.

Salmos 119:108

ꞌËn kuëbitanbi rabikëxun kuakin, kamina min banakama ꞌunánun ꞌën ꞌunánmiti ꞌain.

Salmos 51:16

ꞌËn kana kuëënkin ñuina rëtankëxun mi xaroxuanan a mi ꞌinaínshiti ñukama mi ꞌinánti ꞌain, ꞌaínbi kamina min a ñukama ꞌaxunti kuëëniman.

Salmos 51:17

Mi ñuina ꞌaxun xaroxunkë usamaira ka uin kara Dios ꞌikë; ¡asérabi ain nuitunënbi mi sinania ax ꞌikën usa ꞌikë kamina timaiman! (Ënë banax ka Davidtan kuënëomasa ꞌikën, usa ꞌaish ka bëtsi menu buánkë ꞌixuan uni itsin kuënëosa ꞌikën Jerusalén ëma anun kënëkë kënë rurupa ꞌain.)

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Isaías 6:7

bëkin ka anun kuëtíkakin ꞌë kaxa: “Ka kuat, tsi ëxku ënxaira ënën kana mi kuëtikan. Usa ꞌain kamina bërí min ñu ꞌatima ꞌakë kupí ꞌuchokëma ꞌain, usa ꞌaish kamina min ñu ꞌatima ꞌai ꞌuchakëkama bërí mëníokë ꞌain.”

Oseas 5:5

Israel unikamaxa nux kananuna usaira ꞌai kiax rabiakakë ax ka atuxi anunbi ꞌatimati ꞌikën; usa ꞌain ka Israel aín ñu ꞌatima ꞌakë anunbi ꞌuchai ꞌatimati ꞌikën, ¡usai ꞌikëbë ka Judánu ꞌikë unikama atu tani usaribiti ꞌiti ꞌikën!

Oseas 6:6

Usa ꞌain kana mitsunmi ꞌë nuibati a kuëënin, ꞌën kana mitsunmi ñuina rëtankëxun xaroxunti a kuëënima, usa ꞌain kamina ax ka Dios ꞌikë kixun ꞌë ꞌunánkanti ꞌain, usakin ꞌunánkin kamina ꞌë ñuina rëtankëxun ꞌaímai këñutanun xaroxunkantima ꞌain.”

Joel 2:17

Sacerdotekama an Diosan ñu mëëti ꞌakë mitsuxribi kamina utankëx Dios ñukáti inti ꞌain. Usai ini ka anuxun Dios rabiti xubu a bëtanaia ꞌikë anuxun ñuina xaroti ꞌakë anu sëtëtax ësai kikanti ꞌikën: “Nukën ꞌIbu Dios min unikama kamina atun ꞌakë ñu ꞌatimakama mëníoxunti ꞌain; ꞌanan kamina ñuumara ka atux ꞌikë kiax numi uinu ꞌikë uníxbi kuainun ꞌimitima ꞌain, nux kananuna min kaískë unikama ꞌai usa ꞌain; ꞌianan kamina bëtsi ëmanu ꞌikë unikaman atun kuëënkësokin ꞌamainun an bëtsi ñu rabikë unikaman numi kuaikin: ¿Uinu kara mitsun Dios ꞌik? kixun nu kanun ꞌimitima ꞌain.

Jonás 2:9

ꞌaínbi kana ꞌën mi asábi ka kai kuëënkin rabiti ꞌain rabikin, kana ñuina ꞌatankëxun xaroxunti ꞌain; usakin ꞌakin kana uisokin ꞌaxunuxun karana mi ka usabi okin ꞌati ꞌain: ¡Mixëshi kamina axa ië́mianankë Dios a ꞌain!

Mateo 7:11

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë an a ñucácë uni a upí ñu ꞌinánti ꞌicën.

Lucas 11:13

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë, an a ñucácë uni aín Bëru Ñunshin Upí abëa ꞌinun ꞌinánti ꞌicën.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Romanos 11:27

ꞌËmi catamëtia ꞌën atun ꞌuchacama tërë́ncëx ca judíos unibu asérabi ꞌënan ꞌiti ꞌicën, ꞌën cásabi oi.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 13:15

Usa ꞌain cananuna Jesucristo cupí camabi nëtën abë banai cuëënquin Nucën Papa Dios nun cuëbitan rabianan —mix camina asérabi nun ꞌApu ꞌai —quixun caquin a rabiti ꞌain.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

1 Juan 3:5

Camina ꞌunanin, unin ꞌuchacama tërë́nux ca Jesucristo uacëxa, ax uisa ꞌuchañumabi ꞌixun.