Oseas 14:1 - Kashibo-Kakataibo Biblia

¹ Israel unikama Nukën ꞌIbu Diosmi kamina sinanatëkënti ꞌain, mitsúxmi ꞌuchakë a kupí kamina ꞌaisama kan.

Oseas 14:1 ပူးပေါင်းရင်းမြစ်များ

Jeremías 2:19

Min ñu ꞌatima ꞌai ꞌuchakë anbi mi ꞌatima oti ꞌikën, mix ꞌatimakë anbi mi ꞌatima oti ꞌikën. Usa ꞌain kamina min sinánti ꞌain, ꞌëmi ënkin rabikëma ax ka ꞌaisama ñu ꞌikë kixun isti ꞌain, ꞌëx kana min ꞌIbu Dios a ꞌain. ꞌËx Dios kamabi kushiñu ꞌaish kana usai kin.

Ezequiel 33:11

Usa ꞌaínbi kana ꞌëx Dios ꞌaish atun tsóti ñui ësai kin, ꞌatima sinánñu unikama ñuti kana ꞌëx kuëëniman usa ꞌain ka atun ꞌakë ñu ëni upitax tsóti ꞌikën. Israel unikama ꞌatima ñu ꞌaimi tsókankë akamina ënti ꞌain. ¿Uisa ꞌaish kara usakin ñu ꞌai ñukanti ꞌik?

Ezequiel 33:14

Usa ꞌain kana ꞌëx uni achúshi an ñu ꞌatima ꞌai ꞌuchakë ax ka bamati ꞌikë kiti ꞌain, ꞌaínbi aín ꞌuchakë a ënkin ñu upí ꞌakin,

Oseas 13:9

Usa ꞌain kana Israel unikama ꞌën këñuti ꞌain, usakin ꞌaiabi ka uínbi usakin kamina ꞌatima ꞌai kixun ꞌë katima ꞌikën.

Oseas 4:8

ꞌËn unikaman aín ꞌucha mëníokakin ꞌinainshikë ñukama a marui kamina mitsux tsotin; usakin ꞌakin kamina ꞌën unikamaxa abi ꞌuchanun ꞌimin.

Oseas 5:5

Israel unikamaxa nux kananuna usaira ꞌai kiax rabiakakë ax ka atuxi anunbi ꞌatimati ꞌikën; usa ꞌain ka Israel aín ñu ꞌatima ꞌakë anunbi ꞌuchai ꞌatimati ꞌikën, ¡usai ꞌikëbë ka Judánu ꞌikë unikama atu tani usaribiti ꞌiti ꞌikën!

Oseas 6:1

Kamaxi Diosmi sinanatëkënti kamina ukanti ꞌain. An ka ꞌatimo ꞌixunbi nux ñu ꞌatima ꞌai ꞌuchakëkama nu mëníoxunti ꞌikën; usokin ꞌatimo ꞌixunbi mëníotëkënkin ka chuámarua tanun nu ꞌimiti ꞌikën.

Amós 1:13

Ësai ka Nukën ꞌIbu kia: Amónnu ꞌikë unikaman ka ꞌatima ñu ꞌakin ꞌitsaira ꞌaisama ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka Galaad menu ꞌikë Israel unibunën xanu tuñukama atun me chaiira a bisatankin, panárabë okin tukapakëxa.