Oseas 13:5 - Kashibo-Kakataibo Biblia

⁵ ꞌËn kana anu uni ꞌikëma menuabi mitsu bërúankën.

Oseas 13:5 ပူးပေါင်းရင်းမြစ်များ

Génesis 31:40

Usa ꞌain kana nëtëan xanan ꞌakëx bamatisa tanan; imë́ribi matsin ꞌakëx tëmërai bamatisa tankën, ꞌimainun kana ꞌuxtisaira tankinbi tënëakën.

Salmos 1:6

Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Éxodo 2:25

Usaia ꞌaisamaira tëmërai kia kuakin ka Diosan uisaira kara atux tsótia kixun ꞌunánkin ꞌakinti sinánkëxa.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Oseas 5:3

ꞌËn kana Efraín ꞌunán; usa ꞌain kana uisai kara Israel ꞌia a ꞌën ꞌunán. Efraín ax ka aín nami bëtsi bëtsi uni ꞌakë xanusa ꞌikën; usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Deuteronomio 32:10

Usa ꞌixun ka anu uni ꞌikëma menua ꞌunánkëxa, a mex ka ꞌumpaxñuma ꞌianan suñun bëkikin ꞌatimokë me ꞌiakëxa; anbi ka nu bërúankin uisai karanuna ꞌiti ꞌai akama nu ꞌunánmikin unían ꞌain bëru napu bërúankësaribi okin nu bërúankëxa.

Deuteronomio 8:15

an ka anu uni ꞌikëma ënën menma kuan ꞌaisama me anua pianankë runu ꞌianan nibanta ꞌëo ꞌimainun ꞌumpax ñuma me anunbi nu bëakëxa, ꞌaínbi ka mapara irunuabi ꞌumpax mitsun xëanun ꞌimiakëxa,