Oseas 13:16 - Kashibo-Kakataibo Biblia

¹⁶ Israelkama ka aín Diosmi ꞌatimati banakë kupí ꞌatima okë ꞌiti ꞌikën. Usa ꞌain ka anu ꞌikë unikamax ꞌakanankin manë xëtokën ꞌakëx bamati ꞌikën, ꞌimainun ka aín bakë bëchikëkamax bixun memi shipënkakin rëkë ꞌiti ꞌikën, ꞌanan ka xanu tuñukama aribi paná rabë́ okin tukakë ꞌiti ꞌikën.

Oseas 13:16 ပူးပေါင်းရင်းမြစ်များ

Isaías 8:4

Usa ꞌain ka min bëchikë axa papa kianan tita kikin ꞌunánkëma ꞌaínshi Damasco ꞌimainun Samaria ëma masókin, ꞌatankëxun anua ꞌikë ñukama ꞌain upíbuira akama Asirianu ꞌikë ꞌapun atu ꞌatankëxun ꞌain menu buánti ꞌikën.”

Oseas 11:6

Usokin ꞌakëbëtan ka atumi nishkë unikama aín ëmakamanua ꞌain manë xëtokën ꞌakin, anúan ëma kënëara aín xëpútikama ꞌatima okin masóti ꞌikën, usakin ꞌakëx ka atun ñu ꞌatima ꞌati sinánkë anunbi ꞌatimati ꞌikën.

Amós 1:13

Ësai ka Nukën ꞌIbu kia: Amónnu ꞌikë unikaman ka ꞌatima ñu ꞌakin ꞌitsaira ꞌaisama ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka Galaad menu ꞌikë Israel unibunën xanu tuñukama atun me chaiira a bisatankin, panárabë okin tukapakëxa.

Amós 3:9

An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”

Amós 9:1

Usokin a ñukama istankëxun kana Dios. Anuxun ñuina xaroti rapasu nikë isan, iskëxun ka ësokin ꞌë kaxa: “Anuxun ꞌë rabiti xubu akamina aín ꞌirakantikama manámi ꞌikë a tinkati ꞌain, usakin ꞌakëbë ka anu nankë ikama ax shaíkiti ꞌikën; ¡shaíki ka ikama ax túukibuti ka unin maxkánu aín sanikama pakëti ꞌikën! Usokin ꞌakëbëa bamakëmakama atux abáti sinanx kuaniabi kana manë xëtokën ꞌakin rëtëti ꞌain: usokin ꞌakëbë ka axa abáti sinanx abákë axbi achúshirabi ië́tima ꞌikën;

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.