Oseas 13:15 - Kashibo-Kakataibo Biblia

¹⁵ Israel unikamaxa ñu uábuti ꞌikësai mëníokakëbëbi ka suñu amiaxa bari urukë amiax bëkiti ꞌikën, usai ꞌika suñu kushiira anu uni ꞌikëma memiax bëkiti ꞌikën; usai ꞌikëbë ka anua rakákë anuax ꞌumpax ëskimainun xëxá upikamaribi ëski ꞌaíma ꞌiti ꞌikën. Usai ꞌikëbëtan ka axa ami nishkë unikaman atun ñu upíbu akama bikin ꞌibuati ꞌikën.

Oseas 13:15 ပူးပေါင်းရင်းမြစ်များ

Génesis 41:23

Usakin iskëbëbi ka a kaxú mapai ꞌimainun rabë́ trigo bimi ami bari urukë amiax bëkikin suñun ꞌakëx bëküax chushi ëskikë ꞌianan nëmëkë koaxa.

Génesis 41:52

Usakin ꞌatankëxun ka bëchitëcëntancëxun Efraín kakin anëakëxa, anëtankëx ka kiakëxa: Nukën ꞌIbu Diosan ka anuax ꞌëx tëmërakë me ënuax ꞌëx bëchikëñu ꞌiti kuëanxa.

Génesis 41:6

Iskëbë ka a kaxu mapai achúshi ꞌimainun rabë́ trigo bimi, amiaxa bari urukë amiax bëkikin suñun ꞌatimokëxa chushikë isakëxa,

Génesis 48:19

ꞌAínbi ka usakin ꞌaisama tankin aín papan kakëxa: —¡Kana ꞌunanin ꞌën bakën, ꞌën ꞌunánxun kana ꞌain! Axribi ka achúshi ëma chaiira ꞌianan raírikama ꞌikësamaira ꞌinuxun ꞌaia. ꞌAínbi ka aín xukë́n ꞌanáka ënëxira ꞌitsaira ꞌitanun ꞌuakamë ꞌëoi ëma itsiribi ëma itsiribi ꞌitánun uínbi kanantisamaira kushiira ꞌinuxun ꞌaia.

Génesis 49:22

José min rëbúnki kamaxribi ka achúshi i baka kuëbí nikë, axa ꞌitsaira ꞌinun bimikësa usaribi ꞌianan, pëñanakëkin anun xubu bëarakë me mapubuinkë usarabi ꞌiti ꞌikën. Usaribiti ka min rëbúnki kamax mekama tsitsirui bukunuxun ꞌaia.

Salmos 1:4

Usa ꞌaínbi ka an ñu ꞌatima ꞌakë unikaman ꞌakë ñux usai ꞌima, usa ꞌaish ka atun ꞌakë ñux ni pëchi chushikë suñun tákakin pukë usaribi ꞌikën.

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Jeremías 20:5

ꞌAmianan kana axa mitsumi nishkë unikama ënë ëmanua ꞌikë ñu upíbu, ꞌimainun unikaman ñu upíirabu a ꞌianan Judánu ꞌikë, ꞌapukaman ñu upíbu akama Babilonianu buánun ꞌamiti ꞌain.

Oseas 2:3

Usakin ꞌaiama kana achúshi uni chupañuma ꞌikë usaribi ꞌitánun atiaira ënti ꞌain: usakin ꞌakin kana anuan bakë́an nëtë́a ꞌiásaribitia ꞌinun ꞌimiti ꞌain, ꞌimianan kana anu uni ꞌikëma mesa ꞌinun bëtsiokëbë, aín me ëskinun ꞌimiti ꞌain, usakin ꞌakëbë ka shiman bamati ꞌikën.

Oseas 4:19

¡Usakin atun ñu ꞌakë ax ka suñu bëkikin nuámikësa ꞌiti ꞌikën, usa ꞌaish ka atun ñu rabikë anubi katë́kë ꞌiti ꞌikën!

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Deuteronomio 33:17

Ax ka a paian aín titan tuákë vaca bënë upíira bërí ꞌikën, usa ꞌaish ka vaca bënë raëkëma kushiira ꞌixuan, aín manchanën uni ꞌakësaribi okin abë ꞌakanankin kamabi menua unikama abë ꞌakanankin ꞌati ꞌikën. Usaribi ka Efraínën aintsikama ꞌaisamaira ꞌiti ꞌikën; ꞌimainun ka Manasésnën aintsikamaribi ꞌaisamaira ꞌaish tupuntisamaira ꞌiti ꞌikën.