Oseas 13:14 - Kashibo-Kakataibo Biblia

¹⁴ ¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Oseas 13:14 ပူးပေါင်းရင်းမြစ်များ

Job 41:22

Aín tëxá ax ka kushiira ꞌikën usa ꞌixun ka an kamabi uni rakuëmia.

Salmos 16:10

min kamina anu uni ñuia maínkë anu ꞌikëbi ꞌë ëntima ꞌain, ¡usa ꞌain kamina an mi ñu ꞌaxunkë uni uinubi ëntima ꞌain!

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 20:16

¡A unix ka ëmakama Diosan xënibua ꞌaínbi usabi rakátanun këñuasaribi ꞌiti ꞌikën! ¡An ka pëkarakëma ꞌaínshi uni rakuë́ti ꞌakánanti ꞌain kuënkënkë a kuanan, bari xamarukëbëtan anun bënëtishi mëníokati ñu banókë kuati ꞌikën,

Jeremías 31:35

Nukën ꞌIbu an bari nëtën pë́kati ꞌanan ꞌuxë ꞌispa akamaribi an imë́ pë́kati ꞌá, an ka parúmpapa bëchunia aín bëchun xukirui bananun ꞌimia, aín anë ka Nukën ꞌIbu kamabi kushiñu kakë ꞌikën, ax ka ësai kiakëxa:

Ezequiel 37:9

Usa ꞌain ka Diosan ꞌë kakëxa: ꞌËn anën kamina suñu xo unikëkama kati ꞌain: Ësai ka Dios kiaxa: Au bari urukë amiax umainun, amia bari kuabúkë amiaxribi umainun ain tsipúmiax umainun, aín rëbumiaxribi ka anuan ñua unikama uinti suñu uti ꞌikën.

Oseas 6:2

An ka bënë́kinshi nun ñu ꞌatima ꞌakëkama mëníokin nukama upí ꞌimiti ꞌikën, usakin ꞌakin ka nukama an iskëx upí tsónun ꞌimiti ꞌikën.

Malaquías 3:6

“ꞌËx kana Dios ꞌain. Usa ꞌaish kana uisaibi i bëtsiorakatima ꞌëx ꞌiásabi ꞌain. Usa ꞌixun kana ꞌën ká banakama manukima Jacobnën rëbúnki Israel unikama ꞌikë mitsu masókëma ꞌain.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Romanos 11:15

Judíos unibunëx Cristomi catamëcëma ꞌaish Nucën Papa Diosnanma ꞌain ca judíosma unibu Cristomi catamëti Nucën Papa Diosnan ꞌia. Usa ꞌaínbi ca judíos unicamaxribi Cristomi catamëcë ꞌaish, uni bamacë ꞌaíshbi baísquicësa ꞌain, Nucën Papa Dios cuëëinra cuëënti ꞌicën.

Romanos 11:29

Bëráma judíos unibu —ꞌënan ca mitsu ꞌimainun mitsun rëbúnqui ꞌiti ꞌicë —quixun Nucën Papa Diosan cá ꞌain ca a banacama usabi ꞌiti ꞌicën. Nucën Papa Diosan ca —mitsux camina ꞌënan ꞌiti ꞌai —quitancëxun bëtsioquin sinántëcënima.

2 Corintios 5:4

Ënë nëtënu ꞌaish cananuna paë tani masá nuituti bënëtin. Usa ꞌaish cananuna ënë namiñuma bëtsi nami bamatima, axa usabii ꞌiti, aañu ꞌiti cuëënin.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

Apocalipsis 20:13

Bama unicama ꞌimainun ca parúnpapanuax bacamiquia camaxribi baísquiaxa. Baísquia ca uisoquin cara ñu ꞌatima ꞌaxa, usoquinribi Nucën Papa Diosan uisoquin cara ꞌati ꞌicë usoquin ꞌaxa. ꞌAnan ca uisoquin cara ñu upí ꞌaxa usaribi oquin a upitia bamatimoi abë tsonun ꞌimiaxa.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.

Apocalipsis 6:8

Cuaquin isquin cana bëtsi caballo, curua, chiquitia isan. Axa anu tsócë uni aín anëx ca Bamati cacë ꞌiaxa. An Bamati cacë uni a nuibiancë, a unix ca Anua Uni Bamacë ꞌIti caquin anëcë a ꞌiaxa. A uni rabë́ ca, ënë menu ꞌicë unicama ꞌaisamaira ꞌaísha nëbë́tsi, rabë́ ꞌimainun rabë́ oquin tëacësa ꞌicëbia amo ꞌicë achúshi cëñunun Nucën Papa Diosan ꞌimiaxa. Usaquin ꞌimicëxun ca a uni rabëtan ꞌacananía ꞌaisamaira uni bamanun ꞌimianan ꞌacëñuma ꞌaísha ꞌaisamaira uni bamanun ꞌimianan ꞌinsinan ꞌaisamaira uni bamanun ꞌimianan axa piánancë ñuinacan picë́xa ꞌaisamaira uni bamanun ꞌimiaxa.

1 Samuel 15:29

Nukën ꞌIbu Dios an ka Israel kama upí ꞌinun ꞌimiti ꞌikën, ax ka paránani këmëi banaima, ꞌianan ka uni ꞌikësai ñu ꞌakatsi kiax kana ꞌaíma kiax kítëkënima.