Oseas 13:10 - Kashibo-Kakataibo Biblia

¹⁰ Usa ꞌain kara ¿uinu bërí min ꞌapu, an ëmakamanua mi ië́miti ax ꞌik? ꞌAíma ka. ¿Uinu kara mitsún kushibu ꞌimainun ꞌapukama anëxunti ñuká ꞌapu ax ꞌik?

Oseas 13:10 ပူးပေါင်းရင်းမြစ်များ

1 Reyes 12:20

Usokëbë amiribishi abati Jerusalénnu kuantëkënkë kuankin ka Israel unikama Jeroboam kamabi uni timë́xun anua unun kixun kamiakëxa, kamikëx uax bëbakë ka atu achúshinën, mix kamina Israel unikaman ꞌapu ꞌiti ꞌai kixun kakëxa. Usakin anëkëbëbi ka Judánu ꞌikë unikama atux kuëënima Davidtan rëbúnkin achúshi ꞌapu ꞌiti kuëëankëxa.

Salmos 89:18

¡Dios ax ka aminu katamëkë manë pará okin ꞌakë usaribi ꞌikën! ¡Usa ꞌaish ka nukaman ꞌapu ꞌianan Israel unikaman ꞌapu ꞌaish upíira ꞌikën!

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Isaías 43:15

ꞌËx kana Nukën ꞌIbu an Israel unikama unio a ꞌain, ꞌianan kana Dios ꞌupíira, mitsun ꞌapu ꞌain kiax ka kiakëxa.

Jeremías 2:28

Judá menu tsókë unikaman. ¿Uinu kara bërámami mitsúnbi ꞌa dioskama ax ꞌik? ¡Mitsun dios ax ka ꞌitsaira ꞌaish ëma kamabëtan sënë́maira ꞌikën! ¡Usa ꞌain ka atux ꞌatima ñu inutia uisakin, ië́misakara kixun mitsu isi uti ꞌikën!

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Oseas 3:4

Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

1 Samuel 8:7

kakëxunbi ka Nukën ꞌIbun ësakin kakëxa: “Añu ꞌaxúnun kara Israel kaman mi kaia usakinbi kamina ꞌaxúnti ꞌain, atúan min kakëxun kuaisama tankë ax ka min banama ꞌën bana kuaisama tankë ꞌikën, usai ꞌikin ka atun ꞌëx aín ꞌapu ꞌixun ꞌakinti kuëënkanima.