Oseas 11:6 - Kashibo-Kakataibo Biblia

⁶ Usokin ꞌakëbëtan ka atumi nishkë unikama aín ëmakamanua ꞌain manë xëtokën ꞌakin, anúan ëma kënëara aín xëpútikama ꞌatima okin masóti ꞌikën, usakin ꞌakëx ka atun ñu ꞌatima ꞌati sinánkë anunbi ꞌatimati ꞌikën.

Oseas 11:6 ပူးပေါင်းရင်းမြစ်များ

Isaías 30:1

Ësai ka Nukën ꞌIbu asérabi kiakëxa: “¡Uisai kara mitsun bakë bëchikë bëbu ꞌimainun ꞌini xanukama atun kakëxun ꞌën bana kuaisama tania, usa ꞌixun atun ꞌëbë banaxunmabi ñu ꞌakatsi kixun atúnbi sinania, sinánkin ka usakin kananuna ñu ꞌati ꞌai kixun ꞌën sinánmikëxunmabi atúnbi sinánxun ꞌaia, usakin ꞌai ka atúxbi amiribi amiribi ꞌuchakania!

Oseas 13:16

Israelkama ka aín Diosmi ꞌatimati banakë kupí ꞌatima okë ꞌiti ꞌikën. Usa ꞌain ka anu ꞌikë unikamax ꞌakanankin manë xëtokën ꞌakëx bamati ꞌikën, ꞌimainun ka aín bakë bëchikëkamax bixun memi shipënkakin rëkë ꞌiti ꞌikën, ꞌanan ka xanu tuñukama aribi paná rabë́ okin tukakë ꞌiti ꞌikën.

Oseas 4:16

Israel unikamax bana kuati ꞌunánma unibu ꞌikën, usa ꞌaish ka burro xanu bërí kanikë bisama usaribi ꞌikën, usa ꞌikë, ¿kara Diosan pasto ꞌapákë upíira anua carnero kamara ꞌakësokin bërúanti ꞌik?

Oseas 4:17

Usa ꞌain ka Israelkama axribi unínbia ꞌakë ñukama rabitinu atsínxun rabia. ¡Usa ꞌain ka kamabi uni axa bëtsi ꞌatima onux timë́ax bëtsibë paë́nkë unikama usaribiti ꞌia! Usai ꞌi amiribi amiribi ñunshinakëkin xanun nami ꞌai ka anun rabinima upiti tsótisa ꞌashi ꞌatimati tsótishi kuëënia.

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Miqueas 5:11

ꞌAnan kana min ëmakamaribi ꞌatimokin masónan anuan min ëma kënëarakama aribi rurupati ꞌain;

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.

Deuteronomio 32:25

ꞌImianan ka atun bëchikëkama ëma nëbë́tsibia manë xëtokën ꞌakëx bamanun ꞌimiti aín, usai ꞌikëbë ka xubunuax unikama ꞌitsaira rakuë́ti ꞌikën; usakëbë ka tuá atun bakë bëchikë ꞌimainun xanu chipashkama, uni xëni ꞌimainun tuá xúma akamabëbi rakuë́ti bërëi këñuti ꞌikën.