Oseas 11:4 - Kashibo-Kakataibo Biblia

⁴ ꞌËn kana atu ꞌitsaira nuibakin ënua ꞌutëkënun atu ꞌakiankën; usakin kana tuá xura ꞌakësokin ꞌanan, atun piti ꞌinánima ꞌikinma bërúankën,

Oseas 11:4 ပူးပေါင်းရင်းမြစ်များ

2 Samuel 7:14

ꞌËx aín papasa ꞌimainun ka, ax ꞌën bakë bëchikësa ꞌiti ꞌikën, ꞌën kana ñu ꞌatima ꞌaia i pëñan bixun anun rishkikin, tëmëramiti ꞌain. Kamabi unían aín bakë bëchikë ꞌatima ñu ꞌaia ꞌakësaribi okin,

Salmos 105:40

ꞌIanan ka atun pitia ñukákëxun ꞌumpanxonëmë ꞌëo këñun, naínu ꞌikë piti aribi ꞌinánkëxa ꞌinánkëxun pi ka pananima puchacëshi ꞌikankëxa.

Éxodo 16:32

Nëtë itsin ka Moisésnën ësakin Israel unikama kakëxa: —Nukën ꞌIbu ka ësokin ꞌanun kiaxa, xampa rabë́ buákakin bitankëxun kamina mitsun rëbúnkinëan ësa ñu ka nun chaitiokëkaman anu uni ꞌikëma menuxun Nukën ꞌIbun Egipto menua chikínbiankin buánkëxun piakëxa kixuan isnun nanti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Oseas 2:8

Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

2 Corintios 5:14

Cristonën ca camabi uni ꞌitsaira nuibatia quixun ꞌunánquin cananuna a sinánquin —usa ca —quixun atu cain. Cananuna ꞌunanin, ax achúshi ꞌaíshbi ca Nucën Papa Dios cuëëncësabi oi camabi unin ꞌucha cupí bamacëxa. Usaía Cristo ꞌiá ꞌain, cananuna tëmëraíbi nux cuëëncësabi oi ꞌima, ax cuëëncësabi oi ꞌiti ꞌain.

Deuteronomio 32:12

Nukën ꞌIbun ka aín unikama ꞌakiankëxa uínbi ka ꞌakianma ꞌikën; ¡Uinu ꞌikë bëtsi diosanbi ka ꞌakianma ꞌikën!

Deuteronomio 32:14

ꞌianan ka vaca xuma ꞌimainun sëruakin ꞌakë, akama ꞌimainun carnero aín upíirabu kaísun pinun ꞌamiakëxa, ꞌanan ka Basán kakë menu ꞌikë carnero ꞌimainun cabra aín bënëkama aín upíirabu aribi piakën; pianan kananuna trigo aín bimi upíbu pianan, uvas baka chëxëokin vino ꞌakë aribi xëakën.