Oseas 11:2 - Kashibo-Kakataibo Biblia

² ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 11:2 ပူးပေါင်းရင်းမြစ်များ

1 Reyes 12:33

Usa ꞌain ka mapai achúshi ꞌimainun rabë́ ꞌianan achúshi ꞌuxë ꞌirukë anun Jeroboam anribi anuxun xarotia Betelnu ꞌamikë anuxun ñuina xarokëxa. Ësokin ka anbi sinánxun anun fiesta ꞌati nëtë an kuëënkësa okin nankëxa; usakin ꞌatankëx ka a nëtë ꞌikë anuinsa Israel unikaman fiesta ꞌati ꞌikë kiax kiakëxa, usa ꞌain ka a ꞌuxë ꞌikëbë ꞌikëbëtan ñuina xaroi anu kuankankëxa.

1 Reyes 18:19

Usa ꞌain kamina bërí an Israel unikama ain bashi Carmelo kakë anu timë́kamë ꞌëonun kati uni xuti ꞌain, ꞌimainun ka cuatrocientos cincuenta an bana ñuikë unínbia anëkë Baalnu ꞌikëkama a ꞌimainun anribia bana ñuikë cuatrocientos Aserá anu ꞌikë Jezabelnën pimikë atuxribi timë́nun ꞌimiti ꞌain.

Nehemías 9:30

Usaia ꞌitsa baritia ꞌiabi kamina atu munu nuibakin min bëru ñunshin ꞌimainun; an min bana ñuikë unikaman usai kamina tëmërakanuxun ꞌai kixun kakëxa, kakëxunbi kuaisama tankën, usai ꞌia kana ami nishkë unikama bëtsi menu ꞌikë unikaman atu ꞌatimonun ëankën.

Jeremías 18:15

Usa ꞌaínbi ka ꞌën kaískë unikaman ꞌë manutankëxun, ro sanuira aribi xarokin, atunbia ꞌakë ñukama ashi rabikin ꞌë manukanxa. Usai ꞌika anua nia bai xëni a ëni, ꞌën usai ꞌiti kakë banakama a manui, atun ꞌunánkëma bain kuankësa ꞌinun ꞌëx kia banakama a manukankëxa.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Oseas 2:13

Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Oseas 4:13

Usa ꞌain ka aín bashi manan kuaruxun aín rëbu anuxun sanuira ro a xaronan ꞌaímai këñutanun ñuinaribi xaroia, ꞌimainun ka i roble kakë pëñanakëkë ꞌianan álamos kakë i ꞌimainun muxañu ikama aín tupën tëmúxun ñuina xaroia. Usa ꞌain ka mitsun ini bëchikëkaman bëtsi bëtsi uni aín nami ꞌamia, ꞌimainun ka mitsun bakë bëchikënën xanu min piakakamaribi atun bënë ëanx bëtsi unibë ꞌia.

Oseas 4:17

Usa ꞌain ka Israelkama axribi unínbia ꞌakë ñukama rabitinu atsínxun rabia. ¡Usa ꞌain ka kamabi uni axa bëtsi ꞌatima onux timë́ax bëtsibë paë́nkë unikama usaribiti ꞌia! Usai ꞌi amiribi amiribi ñunshinakëkin xanun nami ꞌai ka anun rabinima upiti tsótisa ꞌashi ꞌatimati tsótishi kuëënia.

Lucas 13:34

Ësaquinribi ca Jesusan cacëxa: —Jerusalénu ꞌicë unicama, mitsu cana cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Jueces 2:13

Nukën ꞌIbu rabiti a ënkin ka Baal kakë dios akëñun bëtsi ñukama Astarté kakë dios an isa ꞌakinia kixun sinánkin aribi rabikin pëuxun bëtsi ñukamaribi rabiakëxa,