Oseas 11:1 - Kashibo-Kakataibo Biblia

¹ ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Oseas 11:1 ပူးပေါင်းရင်းမြစ်များ

Éxodo 19:4

Mitsúnbi kamina isan ꞌën karana uisokin egipcio unibu tëmëramikin ꞌa kixun, ꞌimainun kamina uisobëtsinkin karana ꞌëx anu ꞌikë ënu mitsubëa kixun, ꞌën kana tëtëkamë ꞌëon aín tuá nuanmikin aín pëchin bëaraxun buankësa usaribi obëtsinkin bëruinra oxun mitsu bëan.

Éxodo 4:22

Usa ꞌain kamina ꞌë ñuikin, faraón kati ꞌain: Ësai ka Nukën ꞌIbu kiaxa: Israel unibunëx ka ꞌën rëkuë́n bëchikësa ꞌikën, usa ꞌikë kana atu nuibatin.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Oseas 2:15

Usokin ꞌatankëxun kana atun ꞌapá uvakama atu ꞌinántëkënkin, me sapan Acor kakë anua ꞌapákëxa ꞌitsaira bimiñu ꞌinun ꞌimiti ꞌain. Anuxun ka bëná ꞌixuan ꞌasa okin ꞌanan, anúan Egiptonuax chikíkë nëtë anun ꞌasaribiokin ꞌë kati ꞌikën.

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Mateo 2:15

Anu ca Herodes pan bamatamainun ꞌiacëxa. Nucën ꞌIbu Diosan ꞌamicëxuan aín unin cuënëosabi oi ca Egipto menu ꞌiacëxa. A banax ca ësai quia: “Egiptonua cana ꞌën Bëchicë bëan”.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 7:7

Moisésnën ka amiribishi Israel unikama ësokin kakëxa: Nukën ꞌIbun mitsu kaískë ax ka ëma upíira ꞌianan, chaiira ꞌikëa mitsu kaisama ꞌikën. Usa ꞌain kamina a ëmakamasama chukúmara ꞌain.