Oseas 1:6 - Kashibo-Kakataibo Biblia

⁶ Usa ꞌain ka Oseasnën xanu Gómer kakë ax amiribishi tutëkëntankëx achúshi xanu tuá bakë́ankëxa. Bakënkë ꞌain ka Diosan Oseas kakëxa: “Min ini bëchikë bakënkë a kamina Lo-ruahama kakin anëti ꞌain, ꞌën kana amiribishi Israel menu ꞌikë ꞌapu nuibatëkëntima ꞌain, ꞌianan kana atun ꞌakë ñu ꞌatimakama tërënxunkin mëníotima ꞌain.

Oseas 1:6 ပူးပေါင်းရင်းမြစ်များ

Oseas 1:8

Usa ꞌain ka Lo-ruhama an kanikin xuma ënkë ꞌain Gómer ax tutëkëntankëx bëbu tuá bakë́ankëxa.

Oseas 2:23

Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”

Oseas 2:4

Aín tuákama a nuibati kana nitë́xëtima ꞌain, atux ka unían aín tita nami ꞌakin ami bëchikë tuákamasa ꞌikën.

Amós 7:8

Anuxun ka ꞌë ñukáxa: —¿Añu kaina isin Amós? An xubu ꞌati ꞌunánkë unían tuinkë manë tumua achúshi kana isin, —kixun kana ꞌën kakën. Kakëxun ka an ësokin ꞌë kakëxa: —Manë tumua an xubu ꞌati ꞌunán unin tuinkë ꞌën tuinkë ënën kana, ꞌën uisai kara ꞌën uni Israelkama ꞌuchaxa kara ꞌuchakëma ꞌikë kixun tanti ꞌain. Usokin tantankëxun kana, kana nuibati ꞌai kixun sinántëkënkima ꞌatimoti ꞌain.

Amós 9:8

ꞌËn kana ënë ëmanu ꞌikë unikama ꞌuchañu isan, usa ꞌain kana ësai kin: “ꞌËn kana ënë menua atu këñuti ꞌain, usa ꞌaínbi kana Jacobnën rëbúnkikama kamaira këñutima ꞌain. ꞌËx Dios ꞌaish kana, ësai kin.

1 Pedro 2:10

Bëráma Nucën Papa Dios ꞌunáncëma ꞌiá ꞌaíshbi camina mitsux bërí aín uni ꞌain. An ca mitsu nuibaquin ꞌaquinti ꞌicë quixun ꞌunáncëma ꞌicëbia Nucën Papa Diosan nuibaquin mitsun ꞌuchacama tërë́nxuan ꞌaish camina ainan ꞌain.