Números 9:20 - Kashibo-Kakataibo Biblia

²⁰ Kuin axa xubusa okin ꞌakë anuax ꞌitsama nëtë́ishi ꞌinun Diosan ꞌimitankëxua anuax kuanun ꞌimikëbë ka Israel unikama a nuibiani kuankëxa, kuaníbi ka kuin axa Diosan nirakënun ꞌimikëbë atúxribi nirakëakëxa.

Números 9:20 ပူးပေါင်းရင်းမြစ်များ

Proverbios 3:5

An ñu ꞌunánkë unix ka ësai kiakëxa: Min nuitunënbi sinani kamina Nukën ꞌIbu mi katamëti ꞌain, usai ꞌi kamina rabiakati ꞌën kana bëtsi unin ꞌakësamaira okin ñu ꞌunan kiax kitima ꞌain.

Proverbios 3:6

Kamabi ñu ꞌakin kamina Nukën ꞌIbu Dios mia ꞌakinun a pain ñukáti ꞌain, usokinmi ꞌakëxun ka kamabi upíokin ꞌanun mi ꞌamiti ꞌikën.

Números 9:18

ꞌImainun ka uínsaran kara Nukën ꞌIbun atu kuanun kaia a nëtën kuni kuanux anu pain ꞌi bërukankëxa, anuax kuinsa nirakëkëbë anu pain i bërúakëxa. Anu ka uiti nëtë kara ꞌiti ꞌikë, ati nëtë xubusa okin chupa ꞌakë anu kuin ꞌiakëxa.

Números 9:19

Kuin axa xubusa okin ꞌakë anu pain basi ꞌikëbë ka Israel unikamax kuaníma anu pain bukuxun Nukën ꞌIbu Dios rabikankëxa.

Números 9:21

ꞌImainun ka ꞌikatsi imë́ nirakëónxa, pëkarakëbë kuin ax kuankëbë nirukiani Israel unikamax kuankëxa. Usaia imë́ ꞌikësairibi nëtën ꞌikëbë ka a isbiani atúxribi kuankëxa.

Deuteronomio 7:21

Usa ꞌain kamina atumi rakuë́tima ꞌain, nukaman ꞌIbu Dios kushiira ax, mitsubë ꞌain ka atux mimi rakuë́ti ꞌikën.