Números 6:27 - Kashibo-Kakataibo Biblia

²⁷ Ësokian sacerdote unikaman ꞌën anë ñuikin Israel unikama kakëbëtan kana, ꞌën asérabia usai ꞌinun ꞌimiti ꞌain.

Números 6:27 ပူးပေါင်းရင်းမြစ်များ

Génesis 32:26

Usakin ꞌatankëxun ka a unin kakëxa: —ꞌË kamina ënti ꞌain, ka pëkarakuatsinia. Ësakian kakëxun ka Jacobnën kakëxa: —Minmi upíokin sinánxunkëxuma kana mi ëntima ꞌain.

Génesis 32:29

—Bërí kamina ꞌë kati ꞌain, uisakin anëkë karamina mix ꞌain —kixun ka Jacobnënribi ñukákëxa. ꞌAínbi ka uni an kakëxa: —¿Uisoti karamina ꞌën anë ꞌë ñukatin? Usokin kakëxun anuxun upíokin sinánxunbiani ka a uni kuankëxa.

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Isaías 43:7

ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Números 23:20

Diosan ka Israel unikama upíokin sinánxunun ꞌë kaxa: Usa ꞌain kana Diosan upíokin sinánxunia ꞌën usama ka kixun katima ꞌain.

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.