Números 24:20 - Kashibo-Kakataibo Biblia

²⁰ Ësai kitankëx ami bësukin Amalecnën rëbúnkikama isi ka Balaam ësairibi kiakëxa: Amalec ax ka achúshi ëma chaiira ꞌaish kushiira ꞌikën, usa ꞌikëbi ka ami nishkë unikaman këñukin achúshirabi bërutanuma atu ꞌati ꞌikën.

Números 24:20 ပူးပေါင်းရင်းမြစ်များ

Génesis 36:12

Elifaz ax ka achúshi xanu an ñu ꞌaxunkë Timná kakin anëkë ꞌiakëxa; an ka achúshi tuá ꞌaxuntankëxun Amalec kakin anëakëxa. Ënë kamax ka Esaúnën aín xanu Adá ami bakë bëchipa aín rëbúnkikama ꞌiakëxa.

Éxodo 17:14

Usakian ꞌakë ka Nukën ꞌIbun Moisés kakëxa: —Ënuax mitsux ꞌakanankë ënë kamina achúshi kirikanu a sinántiokin kuënëoti ꞌain; ꞌimainun kamina Josuéribi kati ꞌain, ꞌën kana amiribishia uínbi sinántëkëntimokin amalecita unikama manumiti ꞌain.

Éxodo 17:16

anëtankëx ka ësai kiakëxa: Nukën ꞌIbun aín kushi ꞌë ꞌinánkëxun kana Amalecita unikama abë ꞌakanankin ꞌan. Usa ꞌain ka Israel unikaman Nukën ꞌIbumi katamëti ënkinma numi nishkë unikaman rëbunki ami rakuë́kinma abë ꞌakanankin ꞌakëbë Nukën ꞌIbu nubëbi ꞌiti ꞌikën.

Éxodo 17:8

Usaxa Refidim kakë menu israel unibu buküanbi ka amalecita unikamax atubë ꞌakanani uakëxa.

Números 24:19

Jacobnën rëbúnkinuax ka achúshi uni an kamabi uni abë ꞌakanankin kanantankëxun axa aín ëmanu bërukëkamaribi këñukin ꞌati ꞌikën.

Números 24:24

Chipre kakë me aín nasí anuax aín manë nuntin ukin ka suntárukama Asiria ꞌimainun Éber aribi këñukin ꞌati ꞌikën.

Números 24:7

Israel unibunëx ka a xëati ꞌumpax ꞌitsairañu ꞌianan anun atun ñu ꞌapákë chabótiñu ꞌiti ꞌikën. ꞌImainun ka ain ꞌapu ax ka Agagbëtan sënë́maira ꞌiti ꞌikën; a ꞌapu aín kushi ka chaiira ꞌiti ꞌikën.

Jueces 6:3

Israel unibunën ñu ꞌapákë tibi uxun ka madianita unikama ꞌianan amalecita ꞌimainun amiaxa bari urukë amiax uxun bëtsi unikamanribi atun ñu ꞌapákë binuxun abámiakëxa.

1 Samuel 14:48

Usa ꞌixun ka aín suntárukama timëxun atubëtan Amalec unibu kupitanuma ꞌakëxa, usakin ꞌaxun ka Israel kaman ñu an mëkamakë unikama abámiakëxa.

1 Samuel 15:2

Nukën ꞌIbu kamabi kushiñuira an ka mi ësokin kaia: bërí kana amalecita unikamami ꞌën ꞌamikëxun ꞌanun mi ꞌamiti ꞌain, usa ꞌaínbi ka atun Israel unikama Egipto menuaxa aia atubë ꞌakanankin ꞌakëxa.