Números 23:24 - Kashibo-Kakataibo Biblia

²⁴ A unikamax ka paru ꞌinuánëxa aín piti ñuina binuxun bari rakábutima nikë usaribi ꞌikën. Usa ꞌixun ka usaribikin Israel unikaman abë ꞌakanankin bëtsi unikama ꞌaia.

Números 23:24 ပူးပေါင်းရင်းမြစ်များ

Génesis 49:27

Benjamín, min rëbúnki kamaxribi ka tsira ꞌinu, në́kënëan pëkarakuantsinkëma ꞌain ishi aín piti ninua ñuina bixun, pitankëxun bari xupibukëbëtan aín tëxëkë a ꞌain raíribëtan pikësa usa ꞌiti ꞌain. Usaribi okin kamina axa mimi nishkin këñukatsikixun ꞌakëxunbi minra axa mimi nishkë unikama ꞌati ꞌain.”

Génesis 49:9

Judá mix kamina ꞌën bakë bëchikë ꞌain. Usa ꞌaish kamina achúshi ꞌinuánën tuá bërí kanikënëan ꞌain piti ñuina bixun bënë́kinshi tëtúbuxun pitankëx menu rakábukë usaribi ꞌain, usai ꞌi kamina ꞌinuán aín titaxa ꞌikësaribiti ꞌiti ꞌain ¿Uin kara usaími ꞌia mi ubioti kuëënti ꞌik?

1 Reyes 10:20

Usakin ꞌamixun ka mapai rabë́ ꞌimainun rabë́ paru ꞌinúan tankin ꞌakë a, mapai ꞌimainun achúshi tapiti ꞌakë anu amo rabë́bi nitsinkin nankëxa. ¡Uisaxunbi ka bëtsi ꞌapukaman an ñu mëëxunkë aín unikama ësaribi ꞌitánun ñu upíokin ꞌaxúnun ꞌamiama ꞌikën!

Isaías 31:4

Ësokin ka Nukën ꞌIbun ꞌë kaxa: “Achúshi paru ꞌinúanëx ka oveja bixun rëtëax, an ñuina bërúankë unikamami rakuë́tima, ꞌianan ka kamaxi timë́xun, munuma kuënkëni banakinbi ratutima ꞌikën, usaribikin ka Nukën ꞌIbu kamabi kushiñu ax aín unikama Sión kakë bashi anua ꞌakini uti ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Números 23:25

Ësakian kakëxun kuakin ka Balacnën Balaam kakëxa: —¡Kamina a unikama ꞌatimakin sinánxuinsama tanin, usa ꞌain kamina upíokinribi sinánxuntima ꞌain!

Números 24:17

Diosan ꞌë ismikë ñukama ax ka ꞌisama pain ꞌikën, usa ꞌikë kana ꞌurakëo ñu iskësokin ꞌën isin: ax ka Jacobnën rëbúnkinuax achúshi ꞌispa chikíkësa ꞌaish an Israel kama ꞌakinti ꞌapu ꞌiti ꞌikën. An ka Moabnu ꞌikë unikama kupitanunma ꞌanan Setnën rëbúnkikamaribi kupitanunmashi ꞌati ꞌikën.

Deuteronomio 33:20

Ësairibi ka Gad ñui kiakëxa: ¡Diosan ka Gadnën rëbúnkikama chaiira me ꞌinánti ꞌikën, ꞌinánkëxun ka asábi ka min kamina chaiira me nu ꞌinan kixun a rabiti ꞌikën! ꞌIanan ka paru ꞌinúan aín xanun unëax aín piti binux rakáxun ñuina aia bërúankësa usaribi okin ax ami nishkë unikama abë ꞌakananxun kaínti ꞌikën.

Apocalipsis 5:5

Usai bëunan mëscutiabi ca a caniacëcë unicama achúshinën ꞌë caxa: —Camina ini bëunan mëscútima ꞌain. Ca is, Judatan rëbúnquicama achúshi, ꞌInúan cacë, ax Davidnën rëbúnquiribi ꞌicë, Jesús, ax bamáxbi baísquia ꞌaish camabi ñun ꞌibuira, an ca a quirica taráncë bacaquin, anúan a tacáshcacëcama pëóshti ꞌicën.