Números 22:6 - Kashibo-Kakataibo Biblia

⁶ Usa ꞌain kamina bënëti uxun ënë unibu ꞌatima okin sinánxuni uti ꞌain, atux ka nubë sënë́nma kushiirabu ꞌikën. Usakinmi ꞌaia sapi kana abë ꞌakanankin ënë menua ꞌën chikínti ꞌain. ꞌËn kana ꞌunan minmi upíokin sinánxunkëx ka uni upitax bukuia, ꞌimainun min këñutanun sinánxunkëx ka uni mix kikësabi ꞌí këñutia.

Números 22:6 ပူးပေါင်းရင်းမြစ်များ

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

1 Reyes 22:13

Kakëbë axribi ukin ka axa Micaías kai kuankë uni an ësakin kakëxa: —Kamabi an Diosan bana ñuikë unikamax ka bëtsix kikësa kikësaribiti banakin ꞌapu upíokin kaxa. Usa ꞌain kamina minribi atun kakësaribiti añu kara ꞌati ꞌikë ꞌapu kai kiti ꞌain.

1 Reyes 22:6

Ësakin kakëxun ka Ahab Israel unikaman ꞌapu an Dios kikë bana uni ñuixunkë unikama cuatrocientos ꞌiti ꞌurama a timëtankëxun ñukákëxa: —¿Ramot ëmanu ꞌikë suntárukama an Galaad me bërúankë atubë karana ꞌakánanti ꞌain karana ꞌakanantima ꞌain? Kakëxun ka atun kakëxa kamina ꞌakánanti ꞌain, Nukën ꞌIbun ka mi ꞌaia ꞌakinti ꞌikën.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Números 22:12

Ësokin kakëxun ka Diosan Balaam kakëxa: —Atubë kamina a unibu ꞌatima okin sinánxuni kuantima ꞌain, ꞌën kana atu upíokin sinánxunkin upitax bukunun ꞌimin.

Números 22:17

ꞌËn kana uiti kuríki kaina kuëënin atibi ꞌinánan nuibakin añu kaina kuëënin abi mi ꞌinánti ꞌain; usa ꞌain kamina a unikama ꞌë ꞌatima okin këñutanun sinánxuni uti ꞌain.

Números 23:13

Usai kiabi ka Balacnën amiribishi katëkëankëxa: —Amanuribi ꞌëbë kuanxun, kamina anuxun anua ꞌikankë a kamaira iskimabi aín kuainakëkë ashi isti ꞌain. Anuxun iskin kamina ꞌatima okin atu sinánxunti ꞌain.

Números 23:27

Usokin kakëxun ka Balacnën kakëxa: —Amoribi kananuna kuanti ꞌain. Anu kuankëbë sapi ka Dios Israel unikama ꞌatimakin sinánxunti kuëëntima ꞌikën.

Números 24:9

Ax tanti rakábukë ka paru inuán tanti rakábukë usaribi ꞌiti ꞌikën: usa ꞌikë ka uínbi atu an ꞌakaskëxuma ubíotima ꞌikën. ¡Chúamarua ka uikaman kara atu nuibatia akamax ꞌiti ꞌikën, ꞌimainun kara uin atu uxkë ubioti kuëënti ꞌit! ¡Uin kara mitsu nuibatia ax ka chuámarua ꞌianan upíokin sinánxunkë ꞌiti ꞌikën, ꞌimainun ka uin kara mitsu ꞌatima oia axribi ꞌatima okë ꞌiti ꞌikën!

Hechos 16:16

Nëtë itsin anuaxa uni abë banacë anuax Nucën Papa Diosbë banai cuanquinbi cananuna xanu xuntacu achúshi ñunshin ꞌatimañu isacën. A xanun ca ñunshin ꞌatimanëan ꞌunánmicëxun uisai cara ꞌiti ꞌicë quixun ñucácëxun uni usai camina ꞌiti ꞌain quixun ñuixuancëxa. Usoquin ꞌaquin ca aín patróncama ꞌitsa curíqui bimiacëxa.

Josué 24:9

Balac, Sipornën bëchikë moabita unibunën ꞌapu an pain ka mitsubë ꞌakánanti sinánxun, Balac an Beornën bëchikë Balaam nuisa ꞌatimokin sinánxuni unun kixun kamiakëxa.

1 Samuel 17:43

kuaikin kakëxa: —¿Min tsatin mi ꞌë rishkinun karana ꞌëx achúshi ꞌuchiti ꞌain? Usokin katankëxun ka aín diosan David ꞌaisama onun ñukákëxa.