Números 22:40 - Kashibo-Kakataibo Biblia

⁴⁰ kuanx aín ꞌikënu bëbaxun ka Balaam ꞌimainun abëa kuankë aín kushibu pimitia vaca ꞌimainun ovejakama an ñu mëëxunkë unikaman rëxun piti ꞌabiankin buánxunun kamiakëxa.

Números 22:40 ပူးပေါင်းရင်းမြစ်များ

Génesis 31:54

Usai pain kanantankëxun ka matá me anu maxax bukunrukin nankë anuxun, aín ꞌarakakë ñuina rëtankëxun Nukën ꞌIbu Dios rabikin asábi ka kakin xarokëxa xarokëxa, tëxëia bikë a ka Jacob ꞌimainun Labánën abëa ꞌikë unikama kuëntankëxun kamaxunbia pinun matá me anuxun ꞌinánkëxa.

Proverbios 1:16

usai ꞌikin ka atun bënë́kinshi ñu ꞌatima ꞌati sinánxun ꞌaia; ¡ꞌianan ka bënë́kinshi uni aín imi ꞌapamikin ꞌati sinánxun ꞌaia!

Números 22:39

Ësokin kabiani ka Balaam buani Balac Quiriat-husot anu kuankëxa,

Números 22:41

Usakin ónkë pëkarakëbëtan ka Balacnën bibiankin Balaam matán me Bamot-baal kakë anu mapërakëxun kamaira iskinmabi anua Israel unikama bukukë aín xubu ismiakëxa.

Números 23:14

Ësakin kabiankin ka Balacnën Balaam anua Sofin, kakë me ꞌikë aín bashi Pisgá a manámi anu buánxun mapai achúshi ꞌimainun rabë́ maburukin maxá, ꞌatankëxun anuxun vaca bakë achúshi ꞌimainun carnero achúshiribi anuxun xaroti ꞌakë achúshi achúshi rëtankëxuan xaronun ꞌamitëkëankëxa.

Números 23:2

Usakian Balaamnën anun kakëxun ka Balacnën anuxun ñuina xaroti ꞌatankëxun a rabë́xunbi vaca achúshi këñun carnero achúshiribi rëtankëxun xarokëxa.

Números 23:30

Usakian Balaamnën kakëxun ka Balacnën an kakësabiokin anuxun ñuina xaroti ꞌakë achúshi achúshinu vaca bëna achúshi këñun carnero achúshiribi rëtankëxun xarokëxa.