Números 22:38 - Kashibo-Kakataibo Biblia

³⁸ Kakëxun ka Balaamnën kakëxa: —Ënu kana ꞌain min kamikëx kana uan. ꞌAínbi kana ꞌën kushínbi mi katima ꞌain; usa ꞌixun kana uisa okin kara Diosan ꞌë kaia a banaishi mi kati ꞌain.

Números 22:38 ပူးပေါင်းရင်းမြစ်များ

1 Reyes 22:14

Kakëxunbi ka Micaíasnën kakëxa: —¡ꞌËx kana asérabi Nukën ꞌIbun ismainunbi kin, usa ꞌain kana uisakin kanun kara an ꞌë kaia usakinshi kati ꞌain!

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Números 22:18

ꞌAínbi ka Balaamnën a unikama kakëxa: —Balac an kamaishi ain xubunu ꞌikë ain kuri ꞌimainun aín kuríki ꞌinánkëxunbi kana ꞌën ñu chaiira ꞌaxuanan ñu chukumarabi ꞌaxuntima ꞌain, ax ka Dios kuëënkësama okin ꞌën ꞌakë ꞌiti ꞌikën.

Números 22:37

ësokin kakëxa: —ꞌËn kana uisama taniabi mi kamian; ¿Uisa kupín kaina uisama tan? ¿Min kaina ꞌën mi kupíoisama sinan?

Números 22:39

Ësokin kabiani ka Balaam buani Balac Quiriat-husot anu kuankëxa,

Números 22:8

Ñuixunkëxun ka Balaamnën kakëxa: —Ënu kamina ënë imë́ ꞌuxti ꞌain, ënë imë́ kara Nukën ꞌIbu uisakin ꞌë kati ꞌikë kixun ñukátamainun. Ësokin kakëx ka Moabitanën xukë aín kushikama anu bërúakëxa.

Números 23:16

Kabiania kuankëbë ami chikirakëtëkënkin ka Nukën ꞌIbun Balaam usakian Balac kati bana kakëxa. ꞌImainun ka ësokinribi kakëxa: —Anua ꞌikë anu kuantankëxun kamina Balac ꞌën mi kakësabiokin kai kuanti ꞌai kixun ka kakëxa.

Números 23:26

Ësakian kakëxun kuakin ka Balamnën kakëxa: —¿Karana ꞌën mi kakëma ꞌain, ꞌën kana Nukën ꞌIbun kara uisokin ꞌë kaia ꞌashi ñuixunkin kanuxun mi kakëma ꞌain?

Números 24:13

minmi anumi ꞌikë ꞌapun xubu anu ꞌikë kuri ꞌimainun kuríki kamabi ꞌë ꞌinánkëxunbi kana Nukën ꞌIbun kakësama okin ñu upí ꞌanan ñu ꞌatima ꞌakin uibi ꞌëx kuëënkësokin ꞌatimotima ꞌain, usa ꞌain kana Nukën ꞌIbun kakësabiokinshi ꞌati ꞌain kixun kana mi kamian.