Números 22:32 - Kashibo-Kakataibo Biblia

³² usai ꞌiabi ka Nukën ꞌIbun ángelnën kakëxa: —¿Uisa oti karamina min burro rabë́ ꞌimainun achúshi okin rishkian? ꞌËn kana anun mi kuankë bai bëaran ꞌëx kuëënkëbëmabi mi ukë a kana kuëënima.

Números 22:32 ပူးပေါင်းရင်းမြစ်များ

Salmos 145:9

Nukën ꞌIbu Dios ax ka kamabi unibë upí ꞌikën, usa ꞌixun ka an unio ñukama upíokin nuibakin bërúaia.

Jonás 4:11

Usamaira okin kana ꞌën Nínive kakë ëma a nuibatin, a ëma chaiira anu ka ciento veinte mil unikama an uisa ñux kara upí ꞌikë kixun ꞌunánan, uisa ñux kara ꞌatima ñu ꞌikë kixun ꞌunánkëma unikama ꞌaisamaira ꞌimainun, ꞌitsaira ñuina ꞌarakakë ꞌikë kixun ka Diosan kakëxa.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Números 22:20

Kakë a imë́ ka Diosan ami mërakin Balaam kakëxa: —A unibu mi bitsi uan kamina nirukiani abë kuanti ꞌain. Aínbi kamina ꞌën mi kakësabiokinshi ꞌati ꞌain.

Números 22:22

Kuanía aín burronu ꞌirukiani kuankëbë ka an ñu mëëxunkë uni rabë́ axribi abë kuankëxa. ꞌAínbi ka Nukën ꞌIbu kuania oi ꞌitsaira ami nishakëxa. Usaia nishkëbë ka aín ángel anúan kuankë bai anun inútisama okin bëarati nirakëakëxa.

Números 22:28

Rishkikëxëshi Nukën ꞌIbun ꞌimikëx banakin ka aín burron Balaam kakëxa: —¿Uisa ꞌën okëxun karamina amiribishi ꞌë rishkitëkënin? Bërí kamina rabë́ ꞌimainun achúshi okin ꞌë rishkin.

Números 22:33

Usa ꞌain ka min burro ꞌë, isi rabë́ ꞌimainun achúshi oi amo pátsianxa. Min burro kuainakëtima kuanshikëbëtan kana axa kuantamainun mi ꞌakë ꞌitsían.

Números 22:35

Usakian kakëxunbi ka Nukën ꞌIbun ángelnën kakëxa: —A unikamabë kamina kuanti ꞌain, ꞌaínbi kamina ꞌën mi kakë banaishi kati ꞌain. Kakëx ka aín kushikama a bitia, Balacnën xukë akamabë Balaam kuankëxa.

Hechos 13:10

Ñachaquin ca cacëxa: —Cëmë camina mix ꞌain. ꞌIanan camina ꞌatima uni ꞌaish ñunshin ꞌatimanën sinánmicë ꞌain. Usa ꞌixun camina min ñu upí cuëëniman. Nucën ꞌIbu Diosan banaxa cuaisa ꞌaish upí ꞌaínbi ¿caramina min uisa cupí a cuaxunma ꞌanun quixun uni paranin?

Deuteronomio 25:4

Trigo bimi tákanuxun chakakin ka ꞌain rëukukëma piia kixun vaca bënë, a ñuina kuëatsimiti ꞌakë a ain kuëbínu atsímitima ꞌikën.