Números 20:28 - Kashibo-Kakataibo Biblia

²⁸ anuxun ka Moisésnën Aarón Sacerdotenën pañukë chupa a pëmitankëxun aín bakë bëchikë Eleazar a pañumiakëxa. Usokëbë ka aín bashi anuaxbi Aarón ñuakëxa; ñukë ka Moisés ꞌimainun Eleazar anua ꞌikankë anu aín bashinuax ubúakëxa.

Números 20:28 ပူးပေါင်းရင်းမြစ်များ

Números 20:1

Anúan baritia ꞌirutabakë ꞌuxë achúshi ꞌirukë anun ka israel unibu anu uni ꞌikëma me Sin kakë anu bëbakëxa, bëbatankëx ka ꞌitsama nëtë́ishi Cadés kakë anu bërúakëxa. Anu atux aínbi ñuia ka María anubi maínkankëxa.

Números 20:26

anuxun kamina aín papa Aarón ñukëbëtan ain bakë bëchikë Eleazar Sacerdotenën pañukë chupa a pëmitankëxun pañumiti ꞌain. Anuax ka Aarón ñuti ꞌikën.”

Números 20:27

Usakin ka Moisésnën Nukën ꞌIbun kakësabiokin ꞌakëxa. ꞌAi kuani ka kamabi Israel unibunën ismainunbi, aín bashi Hor kakë a mapërakëruakëxa,

Números 27:13

Usakin a mekama istánkëx kamina min xukë́n Aarón ꞌiásaribiti ñukiani kuantankëx min chaitiokëkaman raraitsibë min raraitsi biranani kuanti ꞌikën,

Deuteronomio 34:5

Usa ꞌain ka Moisés Diosan uni ax Moab kakë me anuax Nukën ꞌIbun kakësabi oi ñuakëxa.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

Josué 24:33

Eleazar, Aarónën bakë bëchikë ñukë ꞌikë ka aín aintsikaman aín bakë bëchikënën me anua Efraín unibu ꞌikë, Finees kakë uni aín me anubi maíankëxa.

2 Pedro 1:15

ꞌËx bamacëbëtanmi ënquinma usabi oquin ꞌanun quixun cana ënë banacama mitsu cuënëoxunin.