Números 14:45 - Kashibo-Kakataibo Biblia

⁴⁵ Usai bana purábiani kuaniabi ka amalecita ꞌimainun cananeo unikaman a menu tsókë atun, Israel unibu ꞌakëxa, ꞌakëxa abatia nuibiankin ka Hormá kakë ëmanubi bëbarukin ꞌaisamaira këñutisa okin ꞌakëxa.

Números 14:45 ပူးပေါင်းရင်းမြစ်များ

Salmos 89:43

Minbi kamina an tuinkë manë xëtokë axa xërui kuënuñuma ꞌinun ꞌimiakën, axa ami nishkë unikaman abë ꞌakanankin ꞌakasmanun ꞌakinkinma ëankën.

Éxodo 17:16

anëtankëx ka ësai kiakëxa: Nukën ꞌIbun aín kushi ꞌë ꞌinánkëxun kana Amalecita unikama abë ꞌakanankin ꞌan. Usa ꞌain ka Israel unikaman Nukën ꞌIbumi katamëti ënkinma numi nishkë unikaman rëbunki ami rakuë́kinma abë ꞌakanankin ꞌakëbë Nukën ꞌIbu nubëbi ꞌiti ꞌikën.

Números 13:29

Négueb kakë me sënënakëkë anu ka amalecita unibu tsótia, ꞌimainun ka ain bashi niñu me anu hitita, jebuseo ꞌimainun amorreo, unibu tsómainun ka parúmpapa kuëbí Jordán kakë anu cananeo uniburibi tsótia.

Números 14:43

Anun mi kuankanti anuxun ka amalecita ꞌimainun cananeo unikaman, kuania ꞌakanankinuxun mitsu kainia. Usa ꞌaínbi kamina Nukën ꞌIbun kakësokin mitsun ꞌaisamatan, usa ꞌain ka an bërí mitsu ꞌakintima ꞌikën.

Números 21:3

Kakëxun ka Nukën ꞌIbun israel unikama atun ñukákësabi okin ꞌanun ꞌamiakëxa, ꞌamikëxun ka Cananeos unikama abë ꞌakanankin israel unikaman achirabi bërutanuma këñuakëxa, këñukin ka atun ëmakamaribi usaribi okin ñuñuma ꞌitánun këñuakëxa. Usakin ꞌatankëxun ka a me Hormá kakin anëakëxa.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

1 Samuel 4:2

anuxun ka filisteo suntárukaman pain israel suntáru ꞌakin pëuakëxa, pëuax abë ꞌakanankin ñusma oxun ꞌakin ka cuatro mil Israel suntáru rëtëkankëxa.