Números 14:34 - Kashibo-Kakataibo Biblia

³⁴ Mitsun kamina cuarenta nëtë ꞌimikin Canaán kakë me ñachai nian; usaribiti ka cuarenta baritia ꞌimi mitsun bakë bëchikëkama mikaman ꞌucha kupinshi tëmërai niti ꞌikën, achúshi baritia nikë ax ka: achúshi nëtë nikësa ꞌiti ꞌikën. Usai tëmërakin kamina uix kara ꞌë ñui ꞌatimati banaxa ax kara uisai ꞌia kixun ꞌunánti ꞌain.

Números 14:34 ပူးပေါင်းရင်းမြစ်များ

1 Reyes 8:56

¡Nukën ꞌIbu Dios ax ka upíokin rabikë ꞌiti ꞌikën, an ka aín unibu Israelkama añu ꞌakinux kara kiakëxa akamabi asérabi upiti bukunun ꞌakiankëxa! Usa ꞌixun ka an ꞌakatsi kia ñukama achirabi ꞌaíma ꞌikima kamabi ñu aín uni Moisés kásabiokin ꞌakëxa.

Salmos 105:42

Usakin ꞌakin ka Diosan uínsaranbi manukinma usakin ñu upí ꞌaxunuxua, aín uni Abraham ka a sinánkëxa.

Salmos 95:10

ꞌËx kana cuarenta baritia ꞌimi ꞌitsaira atumi nishakën, usai ꞌikin kana a unikama ꞌatimati kananuna tsóti kixuan unánun ꞌunánmiakën; ¡usai ꞌikin ka ax kikësabi oi ꞌiti ꞌën bana a tankama ꞌikën!

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Números 13:25

Usakin xukëx kuantankëxun ka achúshi ꞌuxë ꞌimainun mapai rabë́ nëtë ꞌimi nikin ñachabëtsini amiribishi anua aín patsan bukukë,

Hechos 13:18

Bëquin ca cuarenta baritian anu uni ꞌicëma men aia, atux ami catamëisama tancëxunbi bërúancëxa.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.