Números 14:28 - Kashibo-Kakataibo Biblia

²⁸ Usa ꞌain kamina min kuantankëxun ꞌëx kikë bana ënë atu kati ꞌain: ꞌËx min ꞌIbu ꞌaish kana asérabi ësai kin, usa ꞌixun kana atux kia ꞌën kuakë usaibia ꞌinun atu ꞌimiti ꞌain.

Números 14:28 ပူးပေါင်းရင်းမြစ်များ

Salmos 95:11

Usai ꞌia atu isi nishi kana kiakën, ꞌën kana a ꞌinánuxun atu ká me anu tsónuxa atsínun ꞌimitima ꞌain.

Números 11:1

Achúshi nëtën ka Israel unibu tëmërai Nukën ꞌIbumi ꞌatimai banai kiakëxa. Usai kikania kuati nishkin ka Nukën ꞌIbun atux anu ꞌikë a bëararati tsi rëkirunun ꞌimiakëxa.

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:21

ꞌAínbi kana ax ka asérabi kamabi menu kushiñuira ꞌikë kixuan unin unánun unikama nuibatin,

Números 14:23

a unikama achúshinëxi ka ꞌën a ꞌinánuxun aín chaitiokëkama ka me anu kuantima ꞌikën. ꞌImainun ka ui unikamax kara ꞌën ñu ꞌaia isíbi ꞌëmi ꞌatimati banaxa ax ka anu tsóti kuantima ꞌikën.

Números 14:39

Usakian Moisésnën Nukën ꞌIbun kakë banakama ñuixunkin kakëx ka Israel unikama masá nuituti nitë́xëakëxa.

Deuteronomio 32:40

ꞌËn kana naími okin ꞌën mëkën chaioruin, usa ꞌaish kana asérabi ësai kin: ꞌëx kana uínsaran nëtënbi këñútimoi tsotin usa ꞌaish kana asérabi kin

Hebreos 3:17

¿ꞌImainun cara uicamami Nucën Papa Dios cuarenta baritian nishacëx? Axa aín ꞌucha cupíbi an anua bëbati ñuixuncë menu bëbaima, anu uni ꞌicëma menuax cëñúa unicamami ca Nucën Papa Dios nishacëxa.