Números 14:2 - Kashibo-Kakataibo Biblia

² Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:2 ပူးပေါင်းရင်းမြစ်များ

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

Job 3:11

¿Uisa ꞌaish karana ꞌën titan puku mëuküax bamanan ꞌën titan naachi kikin ꞌë rëmumëkëishi chikíama ꞌik?

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 15:24

Usa ꞌain ka Israel unibunëx ñukákanani Moisésmi ꞌatimati banai tsuákirui kanankëxa: ¿Añu ꞌumpax karanuna xëati ꞌain?

Éxodo 17:3

Kakëxunbi ka ñunshinakëkin Israel unikaman shiman bamatisaira tankin ami nishkin Moisés kakankëxa: —¿Ësokin ꞌanuxun karamina nu Egipto menua chikínbëtsinkin ënu bëan? ¿Uisoti karamina nun bëchikë ꞌimainun nun ñuina kamakëñunbi shiman bamaminuxunbi nu chikían?

Jonás 4:3

Usa ꞌain kana ꞌëmi bamanun ꞌiminun mi ñukatin ꞌËn ꞌIbu Dios. Usa ꞌain kana ꞌuran tsókë ꞌimainun bamakë ꞌiti ꞌain.

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Números 11:1

Achúshi nëtën ka Israel unibu tëmërai Nukën ꞌIbumi ꞌatimai banai kiakëxa. Usai kikania kuati nishkin ka Nukën ꞌIbun atux anu ꞌikë a bëararati tsi rëkirunun ꞌimiakëxa.

Números 11:15

Ësokin ꞌaisatankin kamina, ꞌë bamatanun ënti ꞌain, asérabi min nuibakin kamina usakin ꞌë ꞌati ꞌain. Usakinmi ꞌakëx kana ꞌitsaira nuibakatima ꞌain.

Números 11:5

¡Bëríbi kananuna nun sinanin Egipto menuxunu kupímashi tsatsa pianan! pepinu, santira, cebolla, ꞌimainun ꞌajos, akama kananuna piakën.

Números 14:1

Usakian atun ñuia kuati ka Israel unikama rakuë́ti munuma sharati aín sinan bënëoi, a imë́ pëkarakuatsintamainun nitë́xëkankëxa.

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Números 20:2

Usai atux a menu aínbia a xëati ꞌumpax ꞌaíma ꞌain ka Moisés ꞌimainun Aarón ñui sharati banai ki kamabi uni timë́kankëxa,

Números 20:3

timë́xun ka Moisés ësokin kakëxa: —¡Uisati kara ax pain ñukë unikamabë ñunun Nukën ꞌIbun nu ꞌimikëma ꞌit!

Números 20:4

¿Uisati kaina mitsun Nukën ꞌIbun unibu anu uni ꞌikëma menu bëan? ¿Mitsun kaina nukamax nun ꞌarakakë ñuina kamabëbi bamati kuëënin?

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

1 Corintios 10:10

Usaribitia a unicama raírinëx a ñui ꞌatimati banaia ca Nucën Papa Diosan cëñúmiacëxa. A unicama ꞌiásaribiti cananuna Nucën Papa Dios ñui ꞌatimati banatima ꞌain.

Deuteronomio 9:23

ꞌImainun kamina Nukën ꞌIbun mitsu Cadés-barnea anuax kuanxumi an mitsu ꞌinánti me a bitánun kakëxbi kana biti ꞌain kixun sinanima, mitsux ꞌikësabi ꞌitëkënkin an kakësabiokin ꞌama ꞌain.

Hebreos 3:16

¿Uicamax cara Nucën Papa Diosan bana cuaquinbi cuacëmasa oi ax quicësabi oi ꞌiisama tancëx? Moisésnëan Egipto menua bëcë unicamax ca usai ꞌiacëxa.

Judas 1:16

A unicamax ꞌaisama ꞌixun ca uni raírinën ꞌacë ñu ꞌatimaquin ñuianan atux cuëëncësa oquinshi ꞌanan atux cuëëncësa oíshi ꞌiti sinania. Usa ꞌixun ca atúxbi cërúanan rabiacaquin, aín curíqui ꞌimainun aín ñu biti cupíshi abë upiti banaquinbi uni parania.