Números 11:20 - Kashibo-Kakataibo Biblia

²⁰ Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Números 11:20 ပူးပေါင်းရင်းမြစ်များ

2 Samuel 12:10

Usa ꞌixun kamina min ꞌën kakëxunbi ꞌën bana kuaisama tankin hitita uni Urías ꞌamixun aín xanu min xanu ꞌiti bian, usa ꞌain ka uínsarabi mix ñukëma pain ꞌain min bakë bëchikëkama atuxi ꞌatimati bukui upitax tsótima ꞌikën.

Éxodo 16:13

Usa ꞌain ka a nëtë ñantabukëbë, ꞌumpanxonëmë ꞌëo anua atux ꞌikë, aín xubunubi rikuatsiankëxa, a pëkarakëbëtan iskëxbi ka anua atux ꞌikë kuainakëkë sënë́nbi nibitan chabónëkë ꞌiakëxa.

Éxodo 16:3

Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Éxodo 16:8

Katankëxun ka Moisésnën ësakinribi katëkëankëxa: —Ënë xupibukëbëtan kamina ami piti nami Nukën ꞌIbun mitsu ꞌinánmainun biti ꞌain, bionxun kamina pëkarakëma ꞌaínshi pánribi biti ꞌain, an ka mitsúxmi ami ꞌatimati banakëxun kuaxa. Uisa kupín, ¿Ui karanuna nux ꞌain? Mikamax kamina numi ꞌatimai banakëma ꞌain. Nukën ꞌIbumi kamina ꞌatimai banan.

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Números 11:13

¿Uinua karana ënë unikama piminuxun nami biti ꞌain? Ënë unikaman ka ꞌë nami ꞌinánun kikin kaia.

Números 11:19

ꞌinánkin kana achúshi nëtë, rabë́ nëtë, mapai achúshi nëtë, mapai rabë́ nëtë ꞌimainun mapai rabë́ ꞌimainun mëkën rabë́ nëtëra atun piti nami ꞌinántima ꞌain.

Números 11:21

Usa ꞌain ka Moisésnën Dios kakëxa: —Axa ꞌëbë ukë unikama ax ka seiscientos mil uni ꞌaish ꞌaisamaira ꞌikën. ¿Usa ꞌaínbi karamina mix ꞌën kana achúshi ꞌuxë ꞌimikin piti nami ꞌinánti ꞌain kiax kin?

Números 14:3

¿Uisati kara Nukën ꞌIbun ënë menu nu bëax? ¿Nuxnu ꞌakanani bamakëbëtan kara nun xanukama ꞌimainun nun bëchikëkama nu ꞌatankëxun bëtsi unikaman biti ꞌik? ¡Usa ꞌain sapi kananuna Egipto menubi kuantëkënti ꞌain!”

Números 14:4

Usa ꞌain ka bëtsibë bëtsibë kánani kikankëxa: “¡An nu buánti achúshi nun ꞌapu anëtankëx kananuna Egipto menubi kuantëkënti ꞌain!”

Números 20:4

¿Uisati kaina mitsun Nukën ꞌIbun unibu anu uni ꞌikëma menu bëan? ¿Mitsun kaina nukamax nun ꞌarakakë ñuina kamabëbi bamati kuëënin?

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

Hechos 13:41

Mitsux, ꞌën banami cuaicë ꞌaish, camina uisashiti caramina ratúanan cëñúti ꞌai quixun sinánti ꞌain. ꞌËx Dios ꞌixun cana mitsúnmi ismainun unin ꞌacëma ñu ꞌati ꞌain. A ꞌën ꞌaia isquian ñuicania cuaquinbi camina —asérabi ca —quixun sinántima ꞌain.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

Josué 24:27

usokin ꞌatankëxun ka Josuénën Israel unikama kakëxa: —Ënë mapara chaiira ꞌën nitsinkin nankë ënëx ka, uisakin karanuna nun Nukën ꞌIbun ꞌamikëxun ñu ꞌakën kixunmi mitsun ñuiti ꞌinuxun ꞌaia. Ënëx ka a isia bëtsi unikamax mitsux ismina usai ꞌiakën kikë ax këmëkësa ꞌitima kupín kamina upiti Diosmi sinánkanti ꞌain.

1 Samuel 10:19

ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.