Números 11:16 - Kashibo-Kakataibo Biblia

¹⁶ Kiabi ka Nukën ꞌIbun ësokin kakëxa: —ꞌË kamina setenta Israel unikama aín kushibu min ꞌunánkë timë́xun, xubusa okin chupa ꞌakë anuax ꞌëbë banati anu bëxun kaínti ꞌain.

Números 11:16 ပူးပေါင်းရင်းမြစ်များ

Génesis 46:27

Ënëx ka Josénën bëchikë rabë́ Egipto menuxuan aín titan tuá ꞌiakëxa. Usa ꞌain ka Egipto menu sesenta uni Jacobnën aintsi ꞌibukama abë bëbakëxa.

Éxodo 24:1

Usa ꞌain ka Nukën ꞌIbun Moisés kakëxa: —Aín bashinu mapërakëtëkëni kamina Aarón, Nadab, Abihú ꞌimainun Israel uni, aín kushibu setenta bëi anu ꞌëx ꞌikë ënu uti ꞌain; ꞌaínbi kamina ꞌuramaira obëtsinima ꞌuriaxëshi atun bëmánanën me tikai tsóbukanun kati ꞌain.

Éxodo 24:9

Usokin ꞌatankëx ka Moisés, Aarón, Nadab, Abihú ꞌimainun setenta Israel uni aín kushibu bibiani amiribishi aín bashinu mapërakëtëkëankëxa.

Éxodo 4:29

Usakin ñuixunbiani ka a rabëtaxbi anuax kuantankëx Israelkama aín kushibu kamabë timë́akëxa,

Jeremías 19:1

Nukën ꞌIbun ka ꞌë kakëxa: “Anuxua ꞌakë anu kuanxun kamina achúshi chumu mapú ꞌakë maruti ꞌain, usokin ꞌatankëxun kamina ëmanu ꞌikë ꞌain kushikama ꞌimainun sacerdote aín kushibu raíri timëti ꞌain.

Números 11:24

Usakian kakëx anuax chikixun ka Moisésnën kamabi uni usakin Nukën ꞌIbun kakë banakama ñuikin kakëxa, kanan ka setenta Israel uni aín kushibu aribi xubusa okin ꞌakë rapasu sëtëankëxa.

Lucas 10:1

Usaía ꞌicëbëtan ca Jesusan bëtsi bëtsi me ꞌimainun bëtsi bëtsi ëmanu bana ñuixuni cuanti sináncëxa. Usaquin sinánquin ca aín ꞌunánmicë uni mëcën rabë́ ꞌimainun rabë́ acama xuquinma, uni raíri setenta caístancëxun rabë́ rabë́, uinu cuanti cara an sinánxa anu atux pain cuanun xuacëxa.

Lucas 10:17

Bana ñuixunuan xucëxun ca a setenta unicaman ñuixunbëtsini utancëxun Jesús usoquian ñu ꞌacëcama ñuixunquin ësaquin Jesús cacëxa: —Minmi nu xucë ca ñunshin ꞌatimanënbi nun bana cuaxa, nun nu —ca chiquít —cacëx ca uninuax chiquíaxa.

Deuteronomio 31:28

Usa ꞌain kamina uni an bana ꞌunánkë unikama ꞌimainun kamabi ñaká achúshi achúshi unikama ain ꞌapu ꞌën ësokin mitsu kanun timë́ti ꞌain, naí ꞌimainun men ka unin kuakësa ꞌitánun kuati ꞌikën, usa ꞌain kana ꞌën mitsu ësokin kain.