Números 10:35 - Kashibo-Kakataibo Biblia

³⁵ Kuankian bunántisa kurin ratakakakin ꞌakë a rëkuë́mibiankin buánkëbë ka Moisés ësai kiakëxa: ꞌËn ꞌIbu numi ꞌakinti kananuna kuëënin. ¡Ax mimi nishkë unikama abístanun ꞌimiti kana kuëënin! ¡ꞌËx kana mi isi ꞌikësa ꞌinua ax numi ꞌikë unikama abísti kuëënin!

Números 10:35 ပူးပေါင်းရင်းမြစ်များ

Deuteronomio 32:41

usa ꞌixun kana ꞌën manë nibánibakikë ꞌitanun kuënuira okin xëtokë anun bëtsi ꞌanux mëníokakësari ꞌiti ꞌain. ¡Atankëxun kana axa ꞌëmi nishkë unikama uisakin karana ꞌaisatani usakin ꞌati ꞌain!

Deuteronomio 7:10

ꞌaínbi ka uikaman kara aín bana kuaisamatania a unikama panákinma bënë́kinshi uisakin kara ꞌaisatania usokin ꞌati ꞌikën.

1 Samuel 4:3

Usakia ꞌakëx ka anuaxa ꞌakanankë anuax Israel suntáru raírinëx rikiankëxa, rikiankëbë ka atun ꞌapukamax kiakëxa: “¿Uisa kupí kara Nukën ꞌIbu bërí filisteo suntárukaman usakin nu ꞌanun ꞌamiax? Anu kuanxun kamina Siló kakë ëmanu nankë bunántisa okin ꞌakë kurin ratakakakë anua Nukën ꞌIbu Diosan bana kuënëokë ꞌarukë a bitsi kuanti ꞌain, axa nu nëbëtsi aín ka Diosan ax numi nishkë unikamanua nu ië́miti ꞌikën.”