Nehemías 9:6 - Kashibo-Kakataibo Biblia

⁶ Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Nehemías 9:6 ပူးပေါင်းရင်းမြစ်များ

Génesis 1:1

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Génesis 1:9

Usa ꞌain ka Nukën ꞌIbu Dios kiakëxa: Naí meu ꞌikë baka ax ka anubia rakátinu timë́ti ꞌikën, me ëski mëratanun. Kikëbë ka usai ꞌiakëxa.

Génesis 2:1

Usokin ꞌatankëxun ka Nukën ꞌIbu Diosan naí ꞌimainun me, anua ꞌikë ñukama këñunbi ꞌakin kamabi sënëonkëxa.

Génesis 32:2

Mëratia isi ka Jacob kiakëxa: “Ënëx ka Nukën ꞌIbu Diosan suntárukama ꞌikën.” “Usai ꞌia ami mërakë kupín ka a me Mahanaim kakin anëakëxa.

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

2 Reyes 19:15

nantakëxun ka Dios abë banakin ësakin kakëxa: Israel unibunën Dios mix kamina min ángelkama a manami ꞌain, usa ꞌaishi kamina mix kamabi menu ꞌikë ꞌapukaman Dios ꞌain, min kamina naíkamë ꞌëokëñun me uniokën.

2 Reyes 19:19

Usa ꞌain kamina mix nun Dios ꞌixun bërí an ꞌaisatankë unikaman ꞌaisataniabi nu bërúanti ꞌain, usakinmi nu ꞌakinia ka kamabi menu ꞌikë unikaman mix kamina asérabi Dios ira a ꞌai kixun ꞌunánti ꞌikën.

Nehemías 9:5

usokin ꞌatankëxun ka levita unikama Josué, Cadmiel, Binuy, Hasabnía, Serebías, Hodía, Sebanías ꞌimainun Petahía akaman kakëxa: “Chairukin kamina Nukën ꞌIbu Dios rabikanti ꞌain. ¡Ax ka kushiira ꞌikë, usa ꞌain ka xënibua ꞌaínbi aín anë upíokin sinánxunkin rabikë ꞌiti ꞌikën!”

Salmos 103:21

¡Anu uxun ka aín suntárukaman ꞌupiokin sinánkin Nukën ꞌIbu Dios rabiti ꞌikën, ñu mëëxuanan an kuëënkësa okinshi ꞌaxunti ꞌikën!

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Salmos 124:8

Nukën ꞌIbun ka nu ꞌakinia, an ka naíkamë ꞌëo ꞌimainun me uniokëxa usa ꞌixun.

Salmos 24:10

¿Ui kara ꞌapuira ꞌianan kushiira ënëx ꞌik? ¡Ax ka Dios kamabi kushiñu a ꞌikën! ¡Ax ka Dios ꞌapuira a ꞌikën!

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:12

ꞌËn kana mekama unionan anu ꞌikë unikama ꞌakën, ꞌanan kana naíkamë ꞌëo ꞌën mëkënan pëninkësa okin ꞌakën, ꞌanuxun kana anu ꞌikë ꞌispakama mëranun ꞌimiakën.

Jonás 1:9

Ësokin kakëxun ka Jonásnën atu kakëxa: —ꞌËx kana Israelkama ꞌain, usa ꞌixun kana ꞌën ꞌIbu Dios naínu ꞌikë a rabin, an ka parúmpapa ꞌimainun me uniokëxa.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Hechos 4:24

Ñuixunia cuaxun ca camáxbi abë banaquin Nucën ꞌIbu Dios cacëxa: —Min camina naí, me, bacacama unionan camabi ñuribi uniocën.

Deuteronomio 10:14

ꞌAínbi kamina mitsun sinánti ꞌain Nukën ꞌIbu Diosnan ka naíkamë ꞌëo ꞌimainun a ꞌurira ꞌikë ñukama ꞌimainun menu ꞌikë ñukamaxribi ka ainan ꞌikën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Deuteronomio 6:4

Israel unikama mitsun kamina ꞌën kakëxun kuati ꞌain, Nun ꞌIbu Dios ax ka Nukën ꞌIbu achúshishi ꞌaish ashi ꞌikën.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 1:6

Usa ꞌaish ca aín Bëchicë aratsushi ꞌicëbi ënë menu xuti ësai quiacëxa: ꞌËn ángelcaman ca a rabiti ꞌicën.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.