Nehemías 9:5 - Kashibo-Kakataibo Biblia

⁵ usokin ꞌatankëxun ka levita unikama Josué, Cadmiel, Binuy, Hasabnía, Serebías, Hodía, Sebanías ꞌimainun Petahía akaman kakëxa: “Chairukin kamina Nukën ꞌIbu Dios rabikanti ꞌain. ¡Ax ka kushiira ꞌikë, usa ꞌain ka xënibua ꞌaínbi aín anë upíokin sinánxunkin rabikë ꞌiti ꞌikën!”

Nehemías 9:5 ပူးပေါင်းရင်းမြစ်များ

1 Reyes 8:14

Ësai kitankëx ka ꞌapu Salomón aua kamabi Israel unikama sëtë́kë, atumi bësuakëti nirakëkin upíokin atu sinánxuni

1 Reyes 8:15

ësai kiakëxa: Israel unikaman Dios ax ka upíokin rabikë ꞌiti ꞌikën, an ka ꞌën papa David kásabiokin ꞌaxa, usa ꞌaish ka ësai kiakëxa:

1 Reyes 8:22

Usokin atu katankëx ka Salomón anuxun Dios ñuina xaroxunti ꞌakë a bëmánon, kamabi Israelkaman ismainunbi nirakëti ka manámi aín mëkën rabë́ buarui mëshpakin,

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

Esdras 3:11

Usa ꞌain ka raírinëxa kuëëni kantamainun, rairinëxribi ësai Diosan kuanun kikankëxa: Usaia kuëëni kamabi uni kantamainun ka raírinëxribi ꞌitsaira kuëëni nëtë́misamai sharákë ax kantakë abë mëskuti ꞌuranxubi kuakë ꞌiakëxa. Usakin anuxun Dios rabiti xubu ꞌakin pëukëbë ka ꞌitsaira kuëëni usai ꞌikankëxa.

Nehemías 9:4

Usai ꞌian ka levita unikama Josué, Binuy, Cadmiel, Sebanías Binui, Serebías, Baní ꞌimainun Quenaní akamax anuax banati ꞌakë anu këñuruxun munuma banakin Diosan bana ñuiakëxa;

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Job 1:21

Usai ꞌika ësai kiakëxa: —Ñuñu kana ënë menu ꞌëx bakë́anma ꞌain, usa ꞌain kana ñukin ënë menu ꞌikë ꞌën ñukama uantima ꞌain, usa ꞌain kana ënë menubi ꞌën ñukama ëbiani ñuti ꞌain, Diosan ka kamabi ꞌën ñukama ꞌë ꞌinánkëxa, usa ꞌixun ka anbi ꞌën ñukama kamabi ꞌë bikuantëkëanxa; ¡Nukën ꞌIbu Dios ax ka ꞌupiokin rabikë ꞌiti ꞌikën!

Salmos 145:2

Kamabi nëtën kana upíokin sinánxunkin; xënibua ꞌaínbi min anë rabiti ꞌain.

Salmos 145:5

Usakin ñuixunkëxa ax ka ꞌapu kushiira ꞌikë, kimainun kana ꞌëx min kamina ñu chaiirabu unin iskëma ñukama ꞌakën kiax kiti ꞌain.

Salmos 16:2

ꞌËn kana mi kan: Mix kamina ꞌën Dios ꞌain usa ꞌixun kamina min ꞌë upí ꞌimin; usa ꞌain ka min ꞌakinkësaribi okin an ꞌë ꞌakinti bëtsi ñu ka ꞌaíma ꞌikën.

Salmos 66:2

Dios rabi kantakin ka aín anë rabikan; usai ꞌikin ka an ꞌa ñukama chaiirabu ꞌa sinánkin rabikanti ꞌikën.

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 15:6

ꞌËn ꞌIbu, min mëkën mëkeu kushiira ꞌixun kamina, an nu ꞌakatsi ꞌikë unikama këñuan.

Daniel 2:20

ësai banakin kakëxa: ꞌËn ꞌIbu Dios minan ka ñu ꞌunáirakë ꞌiti ax ꞌianan kushiira ꞌiti ax ꞌikën, usa ꞌain ka Diosan anë ax xënibua ꞌaínbi këñutima ꞌikën.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

Jueces 13:18

Kiabi ka ángelnën kakëxa: —¿Uisoti kaina ꞌën anë unántisa tanin? ꞌËn anëx ka uínbi ꞌunántisama ꞌaish upíira ꞌikën.