Nehemías 9:17 - Kashibo-Kakataibo Biblia

¹⁷ Usai ꞌikin ka min kakëxun kuaisama tanan minmi chaiira ñu atu ꞌaxuan abi sinánkama ꞌikën. Usai ꞌikin ka min bana kuaisama tankin achúshi ꞌapu an isa anuaxa tëmërakë Egipto me anubi uantëkënun kixun anëakëxa. ꞌAínbi kamina mix Dios an ꞌuchaiabi uni nuibakë a ꞌixun uisabi okinma, nuibairakin ꞌatimokinma ꞌakinkin ñu ꞌatima ꞌaiabi atu ëanma ꞌain.

Nehemías 9:17 ပူးပေါင်းရင်းမြစ်များ

1 Reyes 6:13

ꞌaí kana Israel unikamanu ꞌiti ꞌain; usai ꞌi kana Israel kama ënima anuxun ꞌë rabiti xubunu ꞌiti ꞌain.

1 Reyes 8:57

Usa ꞌain ka Nukën ꞌIbu Dios bërí nubëribi ꞌiti ꞌikën, nun chaitiokëkamabë ꞌiásaribiti. Usa ꞌixun ka nukama ënkinma ꞌakinti ꞌikën,

Nehemías 9:31

Usai ꞌiabi kamina min ꞌitsaira nuibakin kamabi atu këñuananbi manukin ëanma ꞌain; usa ꞌaish kamina mix nuibanairakë Dios a ꞌain.

Salmos 130:4

ꞌAínbi kamina min nux ꞌuchakëkama nu mëníoxunin, usa ꞌixun kananuna nun mi rabiti kuëënin.

Éxodo 32:9

Ësakinribi ka Nukën ꞌIbun Moisés kakëxa: —ꞌËnbi kana uisa kara ënë unikama ꞌikë kixun ꞌunan, usa ꞌixun ka ꞌën bana kuakinma atun nuitu iruaratia.

Proverbios 1:24

Usa ꞌain kana ꞌën mitsu ënumi ukanun kan, ꞌaínbi kamina mitsun ꞌën kakëxunbi ꞌën bana kuaisamatan.

Jeremías 18:15

Usa ꞌaínbi ka ꞌën kaískë unikaman ꞌë manutankëxun, ro sanuira aribi xarokin, atunbia ꞌakë ñukama ashi rabikin ꞌë manukanxa. Usai ꞌika anua nia bai xëni a ëni, ꞌën usai ꞌiti kakë banakama a manui, atun ꞌunánkëma bain kuankësa ꞌinun ꞌëx kia banakama a manukankëxa.

Jeremías 19:15

Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Joel 2:13

¡Amiribishi kamina mitsun ꞌIbu Diosmi sinanatëkënti ꞌain, usai ꞌikin kamina mitsun nuitu mëníokati ꞌain, chupa mëníokë usamaira ꞌikën! Usa ꞌaish ka Nukën ꞌIbu ax munu ñu ꞌai bënëtishi nishkëma ꞌianan nuibanankë ꞌikën, usa ꞌain ka ꞌitsaira ax nuibanania, usa ꞌixun ka ꞌatima oisa tankinbi tënëkin uni nuibatia.

Números 14:11

Usai ꞌikëbëtan ka Nukën ꞌIbun Moisés kakëxa: —¿Uínsaran ira kara ënë unikaman ꞌën ꞌakinkëxunbia ꞌën kana ꞌakinima kixun sinánkë a ënti ꞌik? ¿Uínsaran ira kara ënë unikamax ꞌën kushínbi atun ismainun bëtsi ñukama ꞌa a sinani ꞌëmi katamëti ꞌik?

Números 14:41

Kikaniabi ka anuax kuanxumashi Moisésnën atu kakëxa: —¿Uisati kaina mitsun Nukën ꞌIbu kakënxunbi kuaisama tanin? ¡Mikaman mi usakin ꞌakatsi kixun sinánkësa okin kamina ñu ꞌatima ꞌain!

Hechos 7:39

Usa ꞌaínbi ca Moisés quicësabi oquin ꞌaisama tanquin nucën raracaman Egiptonu cuantëcënti sináncëxa.

Romanos 9:15

An ca Moisés ësoquin cacëxa: “Axa ꞌëx cuëëncësabi oi ꞌën uni ꞌiti unicama a cana ꞌënan ꞌimiti ꞌain. A ꞌëx cuëëncësabi oquin ꞌën nuibati unicama a cana nuibati ꞌain”.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.