Nehemías 9:14 - Kashibo-Kakataibo Biblia

¹⁴ ꞌInánkin kamina uisai kara sábado nëtë ꞌikëbë tantiti ꞌikë aribi ꞌunámianan a tanti banakama asérabia min uni Moisésnën upíokin ꞌunánminun ꞌamiakën.

Nehemías 9:14 ပူးပေါင်းရင်းမြစ်များ

Génesis 2:3

Usa ꞌain ka mapai achúshi ꞌimainun rabë́ nëtë a upíokin sinánxuni a nëtëx ka upíira ꞌiti ꞌikë kiax kiakëxa, a nëtën ka kamabi ñukama uniotankëx tantiakëxa.

Nehemías 1:8

Usa ꞌain kamina bërí sinánti ꞌain, min uni Moisés mi ësokin ka bana a, ꞌuchaia kana mitsu bëtsi bëtsi menu kuani abístanun xuti ꞌai kixun;

Éxodo 16:23

ñuixunkëxun ka Moisésnën kakëxa: —Asérabi ka ësai Nukën ꞌIbu kiaxa: Imë́ishi ka sábado nëtë ꞌia, ax ka achúshi nëtë anun ñu mëëima ꞌianan, anun Nukën ꞌIbu rabiti nëtë ꞌikën. Usa ꞌain kamina imë́ishi piti ꞌati sinánxun bëríbi ꞌaruti a ꞌaruanan xuiti a xuiti ꞌain, ꞌaxun kamina tëxëokë a imë́ishi ꞌati mëníokin nankanti ꞌain.

Éxodo 16:29

Min kamina kati ꞌain, ꞌëx Nukën ꞌIbu ꞌixun kana achúshi nëtë anúan tantiti nëtë ꞌinan, usa ꞌain kana mapai achúshi ꞌimainun achúshi nëtë anunbi rabë́ nëtë ꞌimikin piti ꞌinánti ꞌain. Usa ꞌain ka uíxbi a nëtën aín xubunuax kuaintima ꞌikën.

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.