Nehemías 9:13 - Kashibo-Kakataibo Biblia

¹³ Usokin ꞌatankëxun kamina aín bashi Sinaí kakë, anuax nun chaitiokëkamabë naínuaxëshi banakin min bana upíirabu a ꞌunámikin asérabi a tanti banakama ꞌimainun ax kikësabi oi ꞌiti akama upíokian ꞌunánun min banakama ꞌinánkën.

Nehemías 9:13 ပူးပေါင်းရင်းမြစ်များ

Esdras 7:6

Esdras ënëx ka achúshi sacerdote an upíira okin ꞌunánkin Diosan ꞌamikëxun Moisésnën kuënëomia bana ꞌunánkë ꞌiakëxa, usa ꞌikëa Diosan ꞌakinia ka ꞌapu Artajerjesnën kuëënkin an ñukákësabi okin kamabi ñu ꞌaxuankëxa. Ësokin pain ñu ꞌaia ꞌunánxua ꞌapun xukëx ka Babilonia menuax Esdras kuankëxa,

Salmos 119:137

Dios mix kamina upíira ꞌain; usa ꞌain ka min banakama ax kikësokinshi ꞌati ꞌikën.

Éxodo 16:23

ñuixunkëxun ka Moisésnën kakëxa: —Asérabi ka ësai Nukën ꞌIbu kiaxa: Imë́ishi ka sábado nëtë ꞌia, ax ka achúshi nëtë anun ñu mëëima ꞌianan, anun Nukën ꞌIbu rabiti nëtë ꞌikën. Usa ꞌain kamina imë́ishi piti ꞌati sinánxun bëríbi ꞌaruti a ꞌaruanan xuiti a xuiti ꞌain, ꞌaxun kamina tëxëokë a imë́ishi ꞌati mëníokin nankanti ꞌain.

Éxodo 19:11

usakin ꞌai mëníokakë ꞌain kana ꞌëx rabë́ ꞌimainun achúshi nëtë ꞌikëbë kana ꞌëx aín bashi Sinaí kakë anu ubuti ꞌain, kamabi Israel unibunëan ꞌë istánun.

Éxodo 20:1

Ësai ka Dios kamabi ënë banakama ñui kiakëxa:

Éxodo 20:22

Aín bashinu kuankë ka Nukën ꞌIbu Diosan Moisés ësakin kakëxa: Israel unibu kamina ësakin kati ꞌain: Mitsúnbi kamina uisai karana ꞌëx naíkamë ꞌëonuax banaia kuan.

Isaías 64:1

Nukën Ibu Dios nux kananuna kuëënti ꞌain, mixmi naíkamë ꞌëo panárabëkë anun ukëbë aín bashikama shaíkitanun uti kuëënin,

Isaías 64:3

Uisaran kaina min ñu ꞌatimaira ka inuti ꞌikë kixun nun sinánkë ꞌaínmabi anun mix ubúkëbë aín bashikama shaíkiakëxa.

Habacuc 3:3

Dios ka Temán kakë me amiax uanan, Parán kakë menu ꞌikë bashi anuax Dios upíira ax uti ꞌikën. Aín kushin ka naíkamë ꞌëo kamabi pëkaia, usa ꞌikë ka kamabi menu ꞌikë unikaman a rabiti ꞌikën.

Romanos 7:16

Ñu ꞌaisama ꞌacë ꞌixunbi, usaquin ñu ꞌati ca ꞌaisama ꞌicë quicë bana ꞌunánquin, ꞌën usa ñu ꞌaisama tania isquin ca unin ꞌunánti ꞌicën, ꞌën sináncëx ca a bana upí ꞌaish cuati ꞌicë quixun.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

Deuteronomio 4:33

¿Anu kara bëtsi menu ꞌikë ëma an mitsun kuakësa okin, Diosan tsi rëkirukësa nëbë́tsinuxun kakëxun kuatíbi nux ꞌikësai bamakëma ꞌiti ꞌik?

Deuteronomio 4:36

Ax ka mitsu naínuxunbi usaími ꞌiti banakama ꞌunánmi kiakëxa, ꞌimainun ka menuxunbi aín kushi ismikin tsi rëkirukësa ꞌinun mëramiakëxa, mërami anuax kia kananuna tsi rëkirukësa nëbë́tsinua aín bana kuakën.

Deuteronomio 4:8

¿Bëtsi menu ꞌikë unikamax kara asérabi ax kikësabi oi ꞌiti bana ꞌën mitsu bërí ꞌunánmikë ësaribi banañu ꞌiti ꞌik?