Nehemías 9:1 - Kashibo-Kakataibo Biblia

¹ A ꞌuxënbia veinticuatro nëtë ꞌikëbë ka anun Israel unikamax añu ñubi pima samanux timë́tëkënkankëxa; usai ꞌikin chupa xënikama pañuanan me bitankëx atun maxkánu anun matakakiakëxa;

Nehemías 9:1 ပူးပေါင်းရင်းမြစ်များ

2 Samuel 1:2

Anu ꞌixunbi ka Davidnën Saúl ka ain bakë bëchikë rabëbë bamaxa kixun ꞌunánma ꞌikën, usa ꞌain ka rabë́ ꞌimainun achúshi nëtë ꞌikëbë anua Saúl ꞌikë anuax uni achúshi aín chupa tukibukë ꞌixun ain maxkánu chimaputan matakakiax ꞌitsaira masá nuituti kuatsini uakëxa. ꞌAi ka anu bëbai David bëtánain aín bëmánanën me tikai tëtúbuti tsóbuakëxa.

Nehemías 8:2

Anúan mapai achúshi ꞌimainun rabë́ ꞌuxë ax achúshi nëtë ꞌitabati ꞌirukë anun ka sacerdote Esdrasnën anúan usai Israel unikama ꞌiti kuënëo a kirikanua kuënëo bana kamabi unibëbia xanukama ꞌimainun tuá xumabu an bana kuakë akamanbia uisai kara kia kuati bëakëxa;

Job 2:12

Kanankiani anua ꞌikë anu bëbai kuankinbi ka ꞌuranxunshi anu Job tsókë iskinbi ax ka a ꞌikë kixun ꞌunani ka munuma kuënkëni a kamaxi iankëxa, usai ꞌi ꞌitsaira atúxribi masá nuituti atun tari tukakin a kamaxunbi manámi mësukin me putu puti anunbi matakakikankëxa.

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Levítico 23:34

Ësokin kamina Israel unikama kati ꞌain: Mapai achúshi ꞌimainun rabë́ ꞌuxë ꞌitankëxa anun mapai rabë́ ꞌimainun mapai achúshi nëtë ꞌikëbëtan ka anun ꞌuta ꞌatankëxun anu timë́xun mapai achúshi ꞌimainun rabë́ nëtë ꞌimikin ꞌë rabikanti ꞌain,

Levítico 23:39

Mapai achúshi ꞌimainun rabë́ ꞌuxë ꞌikë anua mapai rabë́ ꞌimainun mapai achúshi nëtë, anun mitsun ñu ꞌapákë bikin sënë́onkë ꞌain kamina, achúshi fiesta ꞌakin ꞌë rabi mapai achúshi ꞌimainun rabë́ nëtë ꞌimi timë́kanti ꞌain, a pëkarakëbë ka anun tantiti nëtëribi ꞌiti ꞌikën.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

1 Samuel 4:12

Usokian ꞌakëbë ka Benjamínën rëbúnkinën aintsi suntáru achúshinëx anuaxa ꞌakanankë anuax abákëxa, abátankëx ka aín aintsikama Siló kakë ëmanu bukukë a nëtënbi bëbaxun chanioi kuankëxa. Kuania iskankëxbi ka aín chupa nushi nushira ꞌianan aín maxká men chuarukë ꞌiakëxa.

1 Samuel 7:6

Usakin kamikëx ka israel unibu Mispá kakë ëmanu timë́kankëxa, anuxun ka raíri unikaman ꞌumpax bitankëxun a ꞌinaishikësa ꞌitánun menu ampë́nkakëxa. Usakin ꞌakë ax ka Nukën ꞌIbu ꞌinaishiti nankë ñu ꞌiakëxa. Usakin ꞌatankëxun ka a nëtën unikama añu ñubi pima samákin atun ꞌuchakëkama Nukën ꞌIbu chikinaxunkankëxa. Anuxun ka Samuelnën Mispá kakë ëmanuxun Israel unikama aín ꞌapu ꞌixun atu ꞌakinkin pëuakëxa.