Nehemías 8:3 - Kashibo-Kakataibo Biblia

³ bëkë ax ka pëkarakëma ꞌaínshi ꞌapunkin bari manímikin kamabi unikama axa plaza anun ꞌumpaxnu kuanti xëpúti puntë, anu timë́kë atun kuati ꞌiakëxa. Usa ꞌain ka kamabi unikama timë́kë an usai ꞌitia kuënëo bana isi kia uisaibi ꞌikinma timë́xun kuakankëxa.

Nehemías 8:3 ပူးပေါင်းရင်းမြစ်များ

Nehemías 8:1

Usa ꞌain ka kamabi ëmanu ꞌikë unikama plaza, anun ꞌumpaxnu atsínti xëpúti a puntëbi ꞌikë anu timë́akëxa, anuxun ka an ñu ꞌinánkë uni Esdras a usai Israel unibu ꞌitia Diosan Moisés kuënëomia banakama a bënun kakankëxa.

Nehemías 8:18

Usaia fiesta ꞌai kamabi uni timë́kë ꞌain ka Esdrasnën anúan timëkankë a nëtën pëuëxanxun mapai achúshi ꞌimainun rabë́ nëtë sënë́nmikin a tanti Diosan bana kuënëo a isakëxa; ꞌimainun ka usakin ꞌatankëx usabi okin ꞌati kikësabiokin ꞌai, achúshi nëtë ꞌimitëkëni anúnribi timëkamë ꞌëotëkëankëxa.

Nehemías 8:4

ꞌImainun ka an ñu ꞌunánmikë Esdras ax anuxun a kirika istia i tapuakin ꞌakë anu nikë ꞌiakëxa. ꞌImainun ka a rapasu Matatías, Sema, Anías, Urías, Hilquías ꞌimainun Maaseías akama ꞌiakëxa. ꞌImainun ka a mëkeuribi Pedaías Misael, Malquías, Hasum, Hasbadana, Zacarías ꞌimainun Mesulam akamaribi anu sëtë́kë ꞌiakëxa.

Nehemías 8:5

Usa ꞌain ka Esdrasnën kamabi unikama timë́kë atun ismainunbi, atun kamaxunbi istisabi ꞌinun manámi nixun kirika isi ki bananuxun bákakëxa; bákakëbë ka kamabi unikama timë́kë ax nirukankëxa.

Marcos 12:37

Usai qui ca David ax —Cristo, ax ca ꞌën ꞌIbu ꞌicë —quiax quiacëxa. ¿Ësaia quiá ꞌain cara Cristo uisax Davitan rëbúnqui ꞌiti ꞌic? Usaía quia ca ꞌaisamaira ꞌixun unin cuëënquin cuacëxa.

Lucas 19:48

Usai ꞌësë́nanquinbi ca ꞌapuma unicama aín bana cuati ami sináncë ꞌain uisoxun ꞌati cara quiax sináncasmacëxa.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Hechos 13:15

Tsotan anu ꞌicë unicamanribia cuamainun Moisésnën cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana ꞌatancëxun ca a xubunu ꞌicë ꞌapucaman Pablocëñun Bernabé cacëxa: —ꞌËn xucë́antu, mitsúnribi unicama ꞌësëtisa tanquin camina cati ꞌain.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

Hechos 15:21

Nucën raracaman ꞌásaribi oquin ca camabi ëmanuxun unin anua judíos unicama timë́ti xubunuxun anun ñu mëëtima nëtëcaman, Moisésnëan cuënëo bana ñuixunia. Usa ꞌixuan Moisésnën usai judíos unicama ꞌiti cuënëo bana ꞌunáncë ꞌicë cananuna ësaquin caquinshi atu quirica buánmiti ꞌain.

Hechos 16:14

A xanucama achúshi ca Lidia cacë ꞌiacëxa. Ax ca Tiatira ëmanu ꞌicë xanu ꞌianan, an chupa upí minanën pucucësa marucë ꞌiacëxa. Usa ꞌaish ca ami sinánquin Nucën Papa Dios rabicë ꞌiacëxa. Usa ꞌixuan Pablonën bana ñuia cuatia ca Nucën ꞌIbu Diosan Jesucristomi catamëtía ainan ꞌinun sinánmiacëxa.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Hechos 20:11

Catancëx manan ꞌirutëcënxun, pán tucapaxun pianan pëcaratamainun bana ñuixunëti, ca Pablo atu ëbiani cuancëxa.

Hechos 20:7

Anu ꞌaish cananuna domingo nëtën axa Jesucristomi catamëcë unicamabë pán tucapaxun pi timë́acën. Timë́an ca Pablonën, imëishinu cuanti ꞌain, ñantónpaquin ꞌuran bana ñuixuancëxa. Usoquin ca imë́ naëx ꞌitámainun ꞌacëxa.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Deuteronomio 31:9

Usa ꞌain ka Moisésnën ax kikësabi ꞌiti bana a kuënëotankëxun sacerdote levita unikama an bunántisa okin ꞌakë kurin ratakakakë anua achúshi ñu ꞌati kikë bana kuënëokë Nukën ꞌIbun kirika anu ꞌarukë an ꞌiaxun buánkëkama a ꞌimainun Israel unikaman kushibu atubëtanbia bërúanun kixun ꞌinánkëxa,

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

Apocalipsis 2:29

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.

Apocalipsis 3:22

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.