Nehemías 8:18 - Kashibo-Kakataibo Biblia

¹⁸ Usaia fiesta ꞌai kamabi uni timë́kë ꞌain ka Esdrasnën anúan timëkankë a nëtën pëuëxanxun mapai achúshi ꞌimainun rabë́ nëtë sënë́nmikin a tanti Diosan bana kuënëo a isakëxa; ꞌimainun ka usakin ꞌatankëx usabi okin ꞌati kikësabiokin ꞌai, achúshi nëtë ꞌimitëkëni anúnribi timëkamë ꞌëotëkëankëxa.

Nehemías 8:18 ပူးပေါင်းရင်းမြစ်များ

Nehemías 8:2

Anúan mapai achúshi ꞌimainun rabë́ ꞌuxë ax achúshi nëtë ꞌitabati ꞌirukë anun ka sacerdote Esdrasnën anúan usai Israel unikama ꞌiti kuënëo a kirikanua kuënëo bana kamabi unibëbia xanukama ꞌimainun tuá xumabu an bana kuakë akamanbia uisai kara kia kuati bëakëxa;

Nehemías 8:3

bëkë ax ka pëkarakëma ꞌaínshi ꞌapunkin bari manímikin kamabi unikama axa plaza anun ꞌumpaxnu kuanti xëpúti puntë, anu timë́kë atun kuati ꞌiakëxa. Usa ꞌain ka kamabi unikama timë́kë an usai ꞌitia kuënëo bana isi kia uisaibi ꞌikinma timë́xun kuakankëxa.

Levítico 23:36

A nëtë kaman ka mapai achúshi ꞌimainun rabë́ nëtë timë́xun ꞌë nanxunkë ñukama xaroti ꞌikën, ꞌimainun ka a pëkarakëbë upiti timëanan ꞌë nanxunkë ñukama a xaroti ꞌikën. Ax ka achúshi nëtë anun timëanan uisa ñu mëëti chabi atima nëtë ꞌikën.

Levítico 23:41

Kamabi baritia anúan mapai achúshi ꞌimainun rabë́ ꞌuxë ꞌirukë, anun kamina mapai achúshi ꞌimainun rabë́ nëtë inúkin ꞌë rabikin achúshi fiesta ꞌai timë́kanti ꞌain. Ax ka usaibi ꞌikanti achúshi bana ꞌikën, usa ꞌikë ka aín papan tan ꞌikë ain bëchikë kamanribi tanti ꞌikën.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.