Nehemías 8:17 - Kashibo-Kakataibo Biblia

¹⁷ Usa ꞌain ka kamabi uni axa bëtsi menu buan ꞌaish utëkënkë unikama atúxribi ꞌuta ꞌatankëx anu ꞌikankëxa, usakin ka Nunnën bakë bëchikë Josué an ꞌamikëxun ishi ꞌa ꞌixun ëan ꞌixunbi ꞌakëxa. Usai ka ꞌaíma ꞌi në́a ꞌixun, ꞌai a unikamax ꞌitsaira kuëënkankëxa.

Nehemías 8:17 ပူးပေါင်းရင်းမြစ်များ

Esdras 3:4

ꞌAnan ka anun ꞌuta ꞌati fiesta nëtë aribi rabi timë́xun anun ñuina xaroti nëtë ꞌikëbëtan nëtë́tibi a tanti bana kuënëo ax kikësabiokin atun ꞌakësabi okin, ñuina xarokin, uiti ꞌitsa achúshi nëtën ꞌati kara atibi ꞌakëxa,

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 11:9

Nucën Papa Diosmi catamëcë ꞌaish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu ꞌaísh ca aín menumabia uni tsócësa ꞌiacëxa. Anu ꞌaíshbi ca upí oquin xubuoíma, chupa ꞌacë xubunuishi ꞌiacëxa. Usaribiti ca aín bëchicë Isaac ꞌimainun Isaacnën bëchicë Jacob, acamaxribi ꞌiacëxa. —Abraham, mix camina ꞌënan ꞌiti ꞌain, min rëbúnquicamaribi ca ꞌën uni ꞌiti ꞌicë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, ꞌimainun Isaacnën bëchicë, Jacob, cacëxa.

Hebreos 4:8

A unicama Nucën Papa Diosan anu chuámarua ꞌaish bucuti ñuixuncë menu bëbáma ꞌaínbi ca aín bëchicëcamax Josuénën buáncëx anu bëbacëxa. Josuénëan anua atux chuámarua ꞌaish bucuti menu buáncëx bëbatancëxuan ax quicësabi oquin ꞌai ami catamëcë ꞌain ca Nucën Papa Dios amiribishi anun uni chuámarua ꞌiti bana ñui quitëcëanma ꞌitsíanxa.

Josué 1:1

Usa ꞌain ka Moisés Nukën ꞌIbun uni ax ñukë ꞌain, Josué an Moisés ꞌakinkë Nunnën bëchikë a Nukën ꞌIbun ësokin kakëxa: