Nehemías 8:16 - Kashibo-Kakataibo Biblia

¹⁶ Tsuákirukiani kuanxun ka i pëi bitsínkin bëxun atun ꞌutabi ꞌutabi ꞌakin xubu manámi ꞌanan me mëníokënu, ꞌanan anuxun Dios rabiti xubunu me mëníokë anun niti anuribi ꞌanan anun ꞌumpax ꞌikënu kuanti xëpúti bëtánain ꞌikë plaza anubi ꞌanan Efraínën plaza kakënu anun atsínti xëpúti a puntë anuribi ꞌakëxa.

Nehemías 8:16 ပူးပေါင်းရင်းမြစ်များ

2 Samuel 11:2

Achúshi nëtën ka aín xubunu tanti baiti David xupinbukëbë chikíax tëkitsi manámia ꞌakë anu kuankëxa, kuantankëx anu nikinbi ka achúshi xanu upíira upí ꞌain pëi machabaiëxanx bërí sënë́anx nashia isakëxa. Istánkëxun ka Davidnën aín uni uinu ꞌikë xanu karaisa ax ꞌikë kixun ñukátanun kixun xuakëxa, xukëx kuanxun ñukábëtsini ukin ka a xukë uni an kakëxa: Ax kaisa Betsabé, Eliam kakë uni aín bëchikë ꞌikën, ꞌimainun kaisa hitita uni Urías aín xanu ꞌikën. Usokin ñuixunkëxun ka Davidnën a isa bëxuntanun kixun aín uni xuakëxa, xukëxua bëan ka Davidtan a imë́ aín xubunuax abë ꞌiakëxa, abë ꞌikiani ka a xanu ꞌain xubunu kuankëxa.

Nehemías 8:1

Usa ꞌain ka kamabi ëmanu ꞌikë unikama plaza, anun ꞌumpaxnu atsínti xëpúti a puntëbi ꞌikë anu timë́akëxa, anuxun ka an ñu ꞌinánkë uni Esdras a usai Israel unibu ꞌitia Diosan Moisés kuënëomia banakama a bënun kakankëxa.

Nehemías 8:3

bëkë ax ka pëkarakëma ꞌaínshi ꞌapunkin bari manímikin kamabi unikama axa plaza anun ꞌumpaxnu kuanti xëpúti puntë, anu timë́kë atun kuati ꞌiakëxa. Usa ꞌain ka kamabi unikama timë́kë an usai ꞌitia kuënëo bana isi kia uisaibi ꞌikinma timë́xun kuakankëxa.

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”