Nehemías 8:10 - Kashibo-Kakataibo Biblia

¹⁰ Kanan ka ësakinribi Esdrasnën kakëxa: “Mitsun ꞌikënu rikianxun kamina upíokin ꞌaxun pianan uvas baka vino bataira ꞌitánun ꞌakë a xëanan ui kamax kara ñuñuma ꞌixun aín piti ꞌakëma ꞌikë akama kuëntankëxun pikianan xëakinti ꞌain, bërí ka achúshi nëtë anun Dios rabiti nëtë ꞌikën. Usa ꞌain kamina masá nuitukinma Diosan ka nukama ꞌakinti ꞌikë kixun sinánkanti ꞌain.”

Nehemías 8:10 ပူးပေါင်းရင်းမြစ်များ

1 Reyes 8:66

Usakin fiesta ónkë a pëkaran ka ꞌapu Salomónnën kamabi unikama atun ꞌikënu kuantanun kixun kakëxa, kakëx kuanuxun ka atúnribi kana kuani kixun kabiani atun ꞌikënu rikiani ꞌitsaira kuëëni Diosan aín uni David ꞌakianan anbia kaisa Israelkama ꞌakian akama sinani kuëënkiani kuankankëxa.

Nehemías 8:11

Usakian Esdrasnën kakëx inkaniabi ka Levitas unikamanribi kamina ꞌaisamaira masá nuituti inkantima ꞌain kixun kakëxa, bërí ka masá nuitukinma anun nun ꞌIbu Dios rabiti nëtë ꞌikë kixun ka atu kakëxa.

Nehemías 8:12

Usakin kakëx chuámarua tani kuëëni rikianxun piananbi xëakin axa pitiñumakama aribi kuënxun pikianan xëakikin fiesta chaiira atun ꞌakëxa, upíokian atu bana ñuixunkë a kuatankëx kuëënkin ka usakin ꞌakankëxa.

Salmos 89:17

Asérabi kamina mix an nu kushiokë a ꞌain ꞌianan kamina nu upí ꞌimin; usakin ꞌimikëx nux kushiira ꞌikë ax ka mix kuëënxun usakin nu ꞌimikë ꞌikën.

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Eclesiastés 3:13

usa ꞌain ka nun pianan ñu xëanan kakë ax ñu ꞌapátankëxun tuaia aín bimi bikë ax, Diosan nu ꞌinánkë ꞌaish asábi ꞌikën.

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Isaías 49:5

ꞌËn ꞌIbu Diosan ka uisabi otima kushi ꞌinun ꞌë ꞌimiaxa, ꞌimikin ka ami sinani kushinun ꞌë ꞌimiaxa. An ka ꞌën titan puku ꞌukëmëu ꞌikëbi ꞌë aín uni ꞌinun ꞌimiakëxa, usa ꞌain ka Israel unikama Jacobnën rëbúnkikama a ꞌën amia sinanatëkënun ꞌiminun ꞌë kaisa,

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Joel 2:23

¡Axa Jerusalén kakë ꞌikëbi Sión kakëribi ëmanu tsókë unikama mitsux kamina kuëënkanti ꞌain, usai ꞌi kamina Diosmiribi sinani kuëënkanti ꞌain! An ka bëráma ꞌasabiokin anúan ꞌibúti nëtë ꞌikëbëtan ꞌuñe ꞌibúmiaxa, a ꞌuñe ka mitañu ꞌianan anun ñu ꞌapákëxa pëkëtia biti ꞌuxë anun ꞌasaribiokin ꞌibúmikë ꞌiti ꞌikën.

Lucas 11:41

Xanpa, ñutë chucati acama sinánquinbi camina unicama nuibaquin axa ꞌaquinsa ꞌicë ꞌaquinti ꞌain. ꞌAquinquin ca ñu ꞌinán. Usaquin ꞌaia isquin ca Nucën Papa Diosan mitsu upí isti ꞌicën.

2 Corintios 8:2

Amia uni nishmainun bëtsi ñu cupíribi tëmëraquinbi Jesucristomi catamëti ëníma ca chuámaruaishi ꞌaish bucuia. Chuámarua ꞌixun ca ñuñuma ꞌixunbi cuëënquin ñuñu unin ꞌacësa oquin curíqui ꞌinánxa.

Filipenses 3:4

ꞌËx ꞌunántioracacë cupí cana judíos uni ꞌaish upí ꞌai quixuan atun sináncë ꞌaínbi cana ꞌëx ꞌiisa tani atúxa ꞌicësamairai rabítsian. Uinu ꞌicë unínbi ca ꞌën ꞌacësamaira oquin usai judíos unicama ꞌiti Moisésnën cuënëo bana quicësabi oquin ꞌacëma ꞌicën.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.