Nehemías 4:9 - Kashibo-Kakataibo Biblia

⁹ Usa ꞌain kananuna Nukën ꞌIbu Dios pain ñukátankëxun, atúan tëiabi nu uxun ꞌatima kupí, nëtën ꞌanan imë́ribi nu bërúanti suntárukama nankën.

Nehemías 4:9 ပူးပေါင်းရင်းမြစ်များ

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Nehemías 4:10

Usakin pëuxun ꞌakëbëbi ka Judánu ꞌikë unikamax kiakëxa: “Anun ëma kënëara ꞌikëbia rëupatëkënkan maxáx ax ka ꞌaisamaira ꞌikën, usa ꞌain ka an papikëkama kushiñuma ꞌaish bënainsa tania, usai ꞌikëbëtan karanuna uisaxun amiribishi anun ëma kënëara a ꞌatëkënkin nukaman sënë́oinsa ꞌain.”

Nehemías 4:11

Usakinnu ꞌamainun ka axa numi nishkë unikaman sinánkëxa, nun isanuna ꞌunanima, usa ꞌainsa atun nukama atsínxun ꞌakin nun tëëti ꞌaxuma ꞌanun rakamiti ꞌikë kixun.

Job 5:12

ꞌimianan ka an uni paránti ꞌunairakë uni an usakin uni ꞌati sinánkë ꞌikëbi an sinánkësa okían ꞌanun ꞌamima.

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Mateo 26:41

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.