Nehemías 4:7 - Kashibo-Kakataibo Biblia

⁷ ꞌAínbi ka Sambalat, Tobías a ꞌianan árabe unikama ꞌianan Amónnu ꞌikë unikama a ꞌimainun Asdodnu ꞌikë unikama atúnribi anun Jerusalén bëarara kënë kananuna aín kinikama bëtasbiankin ꞌatëkëni kixun kuati ꞌitsaira nishakëxa,

Nehemías 4:7 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Nehemías 2:10

ꞌAínbi ka ꞌëx anu bëbakë kuati ka Sambalat Horónnu ꞌikë a ꞌimainun Tobías amonitakaman ꞌapu israel unikama an ꞌakinsatankë unikama ka atunu bëbaxa kixun ñuikania kuati kuëënima ꞌitsaira nishakëxa.

Nehemías 2:19

ꞌAínbi ka usakinu ꞌati a banakama kuati Sambalat Horónnu ꞌikë a ꞌimainun, Tobías amonita unikama an ꞌakinkë a ꞌimainun Guésem árabe unikaman kushi akamax nukamami kuai nu istisama tani kiakëxa: —¿Añura ꞌixun kara atun usakin ñu ꞌatëkëinsatanin? ¿Atun kara ꞌapumi kuaiti sinánkin usakin ñu ꞌaisatanin?

Nehemías 4:1

Amiribishinu Jerusalén ëma rurupa aín kënë ꞌatëkënia kuati ka a kuëënima, Sambalat numi kuaianan ꞌaisamairai judíos unikamami nishi pëukuti,

Nehemías 4:6

Usai kikëbëtanbi kananuna a tankima anun ëma kënëara ꞌikëbia rëupakan a pëuxun aín manámi nëbëtsi sënë́onkin ꞌakën. ꞌAkin ka unikaman ꞌatibi sinánxun kuëënkin ꞌakankëxa.

Nehemías 4:8

usai ꞌikin ka timë́xun a kamaxunbi Jerusalén kananuna amiribishi atu ëmikin ꞌatima otëkënti ꞌai kixun sinánkankëxa.

Amós 1:13

Ësai ka Nukën ꞌIbu kia: Amónnu ꞌikë unikaman ka ꞌatima ñu ꞌakin ꞌitsaira ꞌaisama ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka Galaad menu ꞌikë Israel unibunën xanu tuñukama atun me chaiira a bisatankin, panárabë okin tukapakëxa.

Amós 1:8

Usokin ꞌanan kana Asdodnu ꞌikë unikama ꞌakin, Ascalón ꞌikë aribi masókin ꞌanan kana, ¡Ecrón nu ꞌikëkama aribi masókin këñuti ꞌain, këñukëx ka filisteo unikama ax achirabi bërútima bamati ꞌikën!” Ësai ka Nukën ꞌIbu kiaxa.

Amós 3:9

An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

1 Samuel 11:2

Ësokin kakëxun ka Nahas amonita an kakëxa: —Mitsubëtan kana achúshi ñu mëníoti ꞌain, ꞌaínbi kamina ꞌën suntárukaman mitsu achúshi achúshinën bëru mëkeu ꞌikë ëchipanun ꞌamiti aín, usakin ꞌaxun kananuna Israel unikama tëmëramiti ꞌain.