Nehemías 4:17 - Kashibo-Kakataibo Biblia

¹⁷ anun ëma kënëara ꞌikëbia rurupa ꞌikëa an kënë ꞌatëkënkë unikama atu ꞌakiankëxa. Usakin ꞌakinkëx tëkin ka an ñu papikë unikamanan ënkinma papikinbi, aín mëkën amotanribi anúan atu ꞌanux aia ꞌati aín manë pia xëtokë tuínxun ñu mëëkankëxa.

Nehemías 4:17 ပူးပေါင်းရင်းမြစ်များ

Nehemías 4:13

usakin ñuixunkëxun kana ꞌën unikama atun aintsibë aintsibë mëníokaxun anun ꞌakánanti manë xëtokë ꞌimainun masíbun aín kanti akama bitankëxuan, anun ëma kënëara kaxú aín kini tanainuxun, bërúanun kixun ꞌamiakën.

Nehemías 4:16

Usakin ꞌakin kana a nëtënbi, axa tëëti ꞌën unikama atiribi an ñu mëëti ꞌimianan, atiribi an mëníokaxun anun ꞌakánanti manë xëtokë, ꞌianan ami katamëti manë parókë a ꞌimainun kanti iru, ꞌianan ñuina xaká ꞌakë chupa akama pañuxuan bërúanun ꞌamiakën. Usakin ꞌaia ka anu ꞌikë ꞌapukaman Judánu ꞌikë unikama kamabi,

Nehemías 4:18

Usa ꞌain ka kamabi uni axa anun ëma bëarara kënë ꞌaia tëkë unikama atux aín manë xëtokë tsiñukin tëkërëkax, usai ꞌimainun ka an manë banañu banoti anëkëkama atux ꞌë rapasubi ꞌikankëxa,

Daniel 9:25

Ënë kamina upíokin kuakin min ꞌunánti ꞌain: An kaískë ꞌapu bëbatamainun ka Jerusalén birutëkënkin ꞌatëkënti ꞌikë Dios kiti nëtë ka ꞌiti ꞌikën, siete semana inuti ñui kikë ax ka (cuarenta baritia inuti ñui kikë ꞌikën) ꞌimainun ka Jerusalén ëmanu anun niti baikama ꞌanan anun kënëarakë kënëkama ꞌakë ax sesenta ꞌimainun rabë́ semana ñui kikë ax ka (cuatrocientos treinta y cuatro baritia panáti ñui kikë ꞌikën) ꞌaínbi ka a nëtëkamax anun ꞌitsaira tëmërai masá nuituti ꞌiti ꞌikën.

Joel 2:8

Usai ꞌika champukama ꞌikësai suntárukama ax bëtsibë bëtsibë bëarananima ꞌiti ꞌikën; usai ꞌika achúshi achúshitax anun kuankë anunbi kuanti ꞌikën, kuani ka atumi okin atun pia pukëbëbi anuax raíribë ënananima sënë́nbi kuanti ꞌikën.

1 Corintios 16:13

Mina ꞌatima ñu ꞌai quiax bërúancaquin camina uisa ñu cara ꞌicëbëbi manutima Jesucristomi catamëti ꞌain. Ami catamëti camina unimi racuëtima an cushiocë ꞌiti ꞌain. Upí sinánñu unían sináncësa oquin camina sinánti ꞌain.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

2 Corintios 6:7

bëtsi bana ñuiquinma, an cushiocëxuinshi aín bana ñuixunia isquin ca nux cananuna asérabi Nucën Papa Diosan uni ꞌai quixun camabi unin ꞌunánti ꞌicën. An iscëx nun nuitu upí ꞌixun cananuna racuë́quinma uni itsiribi Cristomi sinánun ꞌaquinti ꞌain. Usoquin ꞌaia ca numi manánquinbi unin ꞌunánti ꞌicën, nun cananuna ñu ꞌaisama ꞌacëma ꞌai quixun.

Filipenses 1:28

Cuanan cana mitsumi nishquian unin ꞌatimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai ꞌicëbëtan ca Nucën Papa Diosan sinánmicëxun axa mimi nishcë unicaman ꞌunánti ꞌicën, ainanma ꞌaish ca atux nëtë́timoi usabi ꞌinux bamati ꞌicë quixun. ꞌUnánan ca mitsux camina ainan ꞌinux ië́cë ꞌaish Nucën Papa Diosbë ꞌiti ꞌai quixun ꞌunánti ꞌicën.

2 Timoteo 2:3

Suntárunëan upí ꞌixun aín cushían cacësabi oquin tëmëraquinbi ꞌacësaribi oquin camina mix, Jesucristonën uni ꞌixun, tëmëraquinbi an cacësabi oquin ꞌati ꞌain.

2 Timoteo 4:7

Uisa ñuishi cara ꞌicëbë tëmëraquinbi cana Nucën Papa Diosan bana ënquinma uni ñuixunquin Jesucristonëan ꞌë cacësabi oquin ꞌaquin sënë́on. Usonan cana asérabi Nucën Papa Diosmi sinánti ëníma aín bana quicësabi oi ꞌian.