Nehemías 4:14 - Kashibo-Kakataibo Biblia14 Usai anun ꞌakánanti biaxi rakuë́tia kana nirukin, aín sinan mëninshi unikama ꞌianan an ëmanuxun bana mëníokë unikama ꞌimainun raíri unikama ësokin kakën: “Nux kananuna atumi rakuë́tima ꞌain. Rakuë́kinma kamina mitsun sinánti ꞌain Dios ax kushiira ꞌianan chaiira ꞌixun ka atu rakuëmiti ꞌikën, ꞌimainun ka an mitsun bakë bëchikë bëbukama ꞌianan ꞌini bëchikë xanukama ꞌimainun mitsun xanukama këñunbi mitsun ëma upí ꞌinun bërúanti ꞌikën.” အခန်းကိုကြည့်ပါ။ |
An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.
Nukën ꞌIbu Dios ax ka achúshi ꞌaish dios kamasamaira ꞌianan, ꞌibukaman ꞌIbu samaira ꞌikën; ax ka Dios kamabi ñu manámi ꞌikë ainan ꞌianan ꞌApuira ꞌaish kushiira ꞌikën, usa ꞌain kamina ami rakuë́ti ꞌain, an ka bëtsi unikama upionan bëtsi unikamaribi ꞌatima oíma, ꞌimainun ka upiokinshi ñu ꞌaxúnti kuëënia;