Nehemías 4:11 - Kashibo-Kakataibo Biblia

¹¹ Usakinnu ꞌamainun ka axa numi nishkë unikaman sinánkëxa, nun isanuna ꞌunanima, usa ꞌainsa atun nukama atsínxun ꞌakin nun tëëti ꞌaxuma ꞌanun rakamiti ꞌikë kixun.

Nehemías 4:11 ပူးပေါင်းရင်းမြစ်များ

2 Samuel 17:2

Bërí ka asábi ꞌikën, nibaitia atsánkë ꞌikëishi nukúkin ami ꞌikuainkëx, ratúkin ka abëa kuankë unikaman abákin ashi ënkanti ꞌikën, usakin ëbiania kananuna atu ꞌakima ꞌapu David ashi ꞌati ꞌain,

Nehemías 4:10

Usakin pëuxun ꞌakëbëbi ka Judánu ꞌikë unikamax kiakëxa: “Anun ëma kënëara ꞌikëbia rëupatëkënkan maxáx ax ka ꞌaisamaira ꞌikën, usa ꞌain ka an papikëkama kushiñuma ꞌaish bënainsa tania, usai ꞌikëbëtan karanuna uisaxun amiribishi anun ëma kënëara a ꞌatëkënkin nukaman sënë́oinsa ꞌain.”

Nehemías 4:12

Usakin sinani nu ꞌakatsi kia kuati ka atu ꞌurama ꞌikë Judíos uni raírinën uxun nu bëtsin kakë ꞌikëbi an kuakë raíri unikamanribi nu manonkin kakëxa, a unikaman ka amami amamiax ukin bëarabuinxun nu ꞌaisatania,

Nehemías 4:9

Usa ꞌain kananuna Nukën ꞌIbu Dios pain ñukátankëxun, atúan tëiabi nu uxun ꞌatima kupí, nëtën ꞌanan imë́ribi nu bërúanti suntárukama nankën.

Hechos 23:12

Usaquian Nucën ꞌIbu Jesusan Pablo can pëcaran ca judíos unicama raírinëx timë́ax ꞌësë́nani ësai canancëxa: Pablo ꞌaxunma cananuna pima ꞌianan añu ñubi xëatima ꞌain. Nun nux quicësabi oquin ꞌacëma ꞌicë ca Nucën Papa Diosan nu uisa cara oti ꞌicë usoquin nu ꞌati ꞌicën.

Hechos 23:21

Usaquian cacëxunbi camina an mi cacësabi oquin ꞌatima ꞌain. Axa Pablomi ꞌësë́nancë uni ax ca cuarenta unibëtan sënë́nma ꞌicën. Acaman ca ꞌanuxun unë́xun Pablo cainia. Ësai ca quiaxa: Pablo ꞌaxunma cananuna añu ñubi pima ꞌianan añu ñubi xëatima ꞌain. Nun nux quicësabi oquin ꞌacëma ꞌicëa ca Nucën Papa Diosan nu uisa cara oti ꞌicë usoquin nu ꞌati ꞌicën. Usaquin Pablo ꞌacatsi quixun ca minmi cacëxuan min suntárucaman Pablo buántishi unë́xun cainia.

1 Tesalonicenses 5:2

Mitsun camina upí oquin ꞌunanin, unían sinánmabia an ñu mëcamacë uni imë́ ucësa usaribi ca anúan Nucën ꞌIbu Jesucristo uti nëtë ꞌiti ꞌicën.