Nehemías 2:5 - Kashibo-Kakataibo Biblia

⁵ ꞌapu kakën: —Mix ꞌapu ꞌikë ꞌën ñu ꞌaxúnkëxun ꞌë upí uni ꞌikë ñu ꞌaxúntisa tankin kamina Judá menu kuantankëxun anua ꞌën aintsikama maínkan ëma ꞌikëbia rurupakin masókan a mëníotëkënuxun istánun ꞌë xuti ꞌain.

Nehemías 2:5 ပူးပေါင်းရင်းမြစ်များ

2 Samuel 14:22

Usokian kakëx ka Joab aín bëmánanën me tikai tsóbukin ka upíokin sinánxunkin ꞌapu kakëxa: —Bërí kana ꞌën bërúnbi mi isin, asérabi kamina min ꞌë nuibakin ꞌën mi ñukákësabi okin ꞌai kixun.

Nehemías 2:4

Kakëxun ka —¿Añu karana mi ꞌaxúnti ꞌain? —kixun ꞌapun ñukákin ꞌë kakëxa. Usakin kakëx Dios naínu ꞌikë abë pain banatankëxun kana,

Nehemías 2:6

Ësakin ꞌapu kaia kuakin ka a rapasu tsókë xanu ꞌapu anribi ꞌë ñukákëxa: —¿Uiti nëtë kara anumi kuanti basiti ꞌik? ¿ꞌImainun kaina uínsaran utëkënti ꞌain? Kixun ñukákëxun ati nëtë kana basiti ꞌai kixun kakëxun ka ꞌë asabika kamina kuanti ꞌai kixun kakëxa.

Daniel 9:25

Ënë kamina upíokin kuakin min ꞌunánti ꞌain: An kaískë ꞌapu bëbatamainun ka Jerusalén birutëkënkin ꞌatëkënti ꞌikë Dios kiti nëtë ka ꞌiti ꞌikën, siete semana inuti ñui kikë ax ka (cuarenta baritia inuti ñui kikë ꞌikën) ꞌimainun ka Jerusalén ëmanu anun niti baikama ꞌanan anun kënëarakë kënëkama ꞌakë ax sesenta ꞌimainun rabë́ semana ñui kikë ax ka (cuatrocientos treinta y cuatro baritia panáti ñui kikë ꞌikën) ꞌaínbi ka a nëtëkamax anun ꞌitsaira tëmërai masá nuituti ꞌiti ꞌikën.

Mateo 23:27

An Moisésnën cuënëo bana ꞌunáncë unicama ꞌimainun fariseo unicama, mitsun camina usabi oquin ꞌacë ꞌixun unicama paranin. Anu uni maíncë me ax ca upí oquin mëníocë ꞌianan ëman upíira upí uxua ꞌinun roncë ꞌaíshbi ꞌucë mëu, uni bamacënën xo ꞌimainun ñu chëquicë ꞌaisama ꞌicën.

Rut 2:13

Kixun kakëxun ka Rutnën kakëxa: —Mix kamina upí sinánñu uni ꞌësaribi ꞌain, minmi nuibakin kakë banakama an ka ꞌë upíokin sinánmia. ꞌËx kana an mi ñu ꞌaxunkë xanu achúshimabi ꞌain.