Nehemías 2:17 - Kashibo-Kakataibo Biblia

¹⁷ Kaxumabi kana ꞌën pain istankëxun atu kakën: —Mitsúnbi kamina upíokin ꞌunanin, nux kananuna ꞌaisamaira ñu inuti tëmërain, Jerusalén ëma ënëx ka anun kënëa akama rurupanan aín xëpútikamaribi në́nkan ꞌaish ꞌaisama ꞌikën. Usa ꞌain kananuna anun Jerusalén ëma kënëara ꞌikëa rurupakan ënënu mëníotëkënun kamáxbi timë́kanti ꞌain, numima unikama kuaia usa ꞌain kananuna mëníotëkënti ꞌain.

Nehemías 2:17 ပူးပေါင်းရင်းမြစ်များ

Nehemías 1:3

Ñukákëxunbi ka ësokin ꞌë kakëxa: “Axa Babilonianu kuanima Jerusalén ëmanubi bërúkë unikama ax ka bërí bëtsi bëtsi ñu inuti ꞌaisamaira tëmërai ñuñuma ꞌain atumi uni kuaikëbë rabinkë ꞌikën. Usaia atux ꞌimainun ka Jerusalén ëma anun kënëa axribi rurupakë ꞌimainun aín xëpútikama axribi në́nkëxuan tsin këñukëx rurukubua ꞌikën.”

Nehemías 2:13

A imë́bi kana ꞌëx ami me sapan ꞌikë xëkuë ami kikiani kuantankëx amia ꞌumpax manánuax xobuti timë́kë Dragón kakë a ꞌimainun anu ñu puti kuanti xëpúti ami kikiani kuainakëkin, Jerusalén anun kënëara kënë a rurupakan a isanan kana aín xëkuë në́nkan akamaribi isakën.

Nehemías 2:16

Usai ꞌëx nitsiabi ka anu ꞌikë ꞌapukaman uinu karana ꞌëx kuani ꞌunánan añu ꞌai karana nitsi kixunbi ꞌunánma ꞌikën. Usai ꞌi nikinbi kana ꞌën judíos uni sacerdotekama ꞌianan, uni upí sinánñu akama kanan ꞌapukamaribi kakëmapan ꞌianan uni raíri atúxribia ñu mëëti ꞌakëbë anu tëëti unikama abi káma ꞌain.

1 Samuel 11:2

Ësokin kakëxun ka Nahas amonita an kakëxa: —Mitsubëtan kana achúshi ñu mëníoti ꞌain, ꞌaínbi kamina ꞌën suntárukaman mitsu achúshi achúshinën bëru mëkeu ꞌikë ëchipanun ꞌamiti aín, usakin ꞌaxun kananuna Israel unikama tëmëramiti ꞌain.