Nehemías 2:1 - Kashibo-Kakataibo Biblia

¹ Usa ꞌixun kana Marzo ꞌuxë këñutia Abril ꞌuxë ꞌirukë anun achúshi nëtë ꞌikëbëtan anua veinte baritia ꞌapu ꞌikë anun, kana ꞌën uvas baka buánxun masá nuitukë ꞌaish bëtsi sinánkëshi ꞌixun aín xëati ꞌinánkëxun iskin,

Nehemías 2:1 ပူးပေါင်းရင်းမြစ်များ

Génesis 40:11

Usai ꞌian kana ꞌën ꞌapun ami xëakë xampa a tuínxun ami uvas baka chinintakëxun kana xampamibi ꞌënbi buánxun ꞌapu aín mëkënnubi ꞌinan.

Génesis 40:21

Xukëxun bitsínkin bëia ka an aín xëati ꞌinánkë unikaman kushi aín ñu mëëtinubi bëráma ꞌakësabi okin nantëkëanan ka faraónën aín xëati ꞌinántëkënun anubi nankëxa;

Esdras 7:1

Bëtsi ñu kamapain Artajerjes Persianu ꞌikë ꞌapu ꞌinúkë ꞌain ka achúshi uni Esdras kakë anu ꞌiakëxa, ax ka ënë unikaman rëbúnkin ꞌiakëxa, Zeraías. Azarías ꞌimainun Hilquías

Esdras 7:7

kuankëbë ka Jerusalénnu raíri Israel kama ꞌimainun sacerdote, levita unikama ꞌianan axa kantati ꞌunánkëkama ꞌianan an xëkuë bërúankëkama ꞌimainun anuxun Dios rabiti xubunuxun an ñu mëëkë unikama atúxribi rikiankëxa, ꞌapu Artajerjes mapai achúshi ꞌimainun rabë́ baritia ꞌapu ꞌain ka usai kuankëxa.

Nehemías 1:1

Ënëx ka Nehemías Hacalías kakë uni aín bakë bëchikë usai ꞌia ñuikë bana ꞌikën. Veinte baritia Artajerjes ꞌapu ꞌikë anúan noviembre ꞌuxë këñuti diciembre ꞌuxë ꞌirukë anun kana Nehemías ꞌaish ꞌëx, Susa kakë ëma anu ꞌiakën,

Nehemías 1:11

Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”

Daniel 9:25

Ënë kamina upíokin kuakin min ꞌunánti ꞌain: An kaískë ꞌapu bëbatamainun ka Jerusalén birutëkënkin ꞌatëkënti ꞌikë Dios kiti nëtë ka ꞌiti ꞌikën, siete semana inuti ñui kikë ax ka (cuarenta baritia inuti ñui kikë ꞌikën) ꞌimainun ka Jerusalén ëmanu anun niti baikama ꞌanan anun kënëarakë kënëkama ꞌakë ax sesenta ꞌimainun rabë́ semana ñui kikë ax ka (cuatrocientos treinta y cuatro baritia panáti ñui kikë ꞌikën) ꞌaínbi ka a nëtëkamax anun ꞌitsaira tëmërai masá nuituti ꞌiti ꞌikën.